مساعدتكم يا إخوان بخصوص الصناديق

1_صندوق الأهلي 90الف (( وتقدر تشترك عن طريق البنك إذا كان عندك حساب جاري وإذا ماعندك إفتح حساب ))

2_صندوق الرائد 90الف

=180الف


أفضل صندوقين (( وتقدر تشترك عن طريق البنك إذا كان عندك حساب جاري وإذا ماعندك إفتح حساب ))

وتقدر في أي وقت تسحب راس مالك وتقدر تسحب أقل شي 2000ريال وكذلك إذا راح تضيف 2000ريال وكل هذا عن طريق النت أو الهاتف المصرفي بدون الذهاب للبنك ودوخ الراس


وأهم شي إنك تصبر لأن الصناديق طويلة الأجل وانشالله ماراح تندم وتوكل على الله

الله يحزاك خير يا أخي ورزقك الله من حيث لا تحتسب


وما زلنا في مشاركة بقيه الاخوه والاجابه على باقي إستفسارتي عن الصوره

اضم صوتي لصوت الاخ تقسيم صحيح
والاهلي والرائد من افضل الصناديق
ويمدحون الرياض 2 بس الخدمه بالبنك لك عليها

شكرا لك يا أخي خواف (( والله يجمد قلوبنا في الاسهم ويبعد عنا الخوف :) ))

ولكن لم نجد إجابات على باقي الاسئله إيش هو معنى الوحده ولماذا أسعار الوحدات تتغير كل يوم خميس هل يوم الخميس فقط أو في أيام ثانيه .,, معناته إذا صار مبلغ كويس تسحبه قبل يوم الخميس هل هذا صح ؟؟

عطونا من علمكم في هالاشياء الله يجزاكم خيرا

مساك الله بالخير اخوي اول شي حياك الله بالمنتدى وانشالله يرزقك ربي

اخوي بالنسبه للاسئله

اولا الوحده هي مثل سهم (( خل نعتبره سهم )) اوكي بالاهلي سعر الوحده هو 8.2789 يعني انت راح تشتري هالسهم (( اللي هي الوحده اعتبرناها سهم )) بهالسعر وراح يتقيم لك كل يوم اثنين وخميس واذا زاد سعر الوحده واذا ارتفعت يعني انت ربحت واذا نزلت يعني انت خسرت وهكذا

المهم اخوي سعر الوحده برتبط بالمؤشر العام يعني مع الانخفاض ممكن الوحده تنزل وتخسر مبلغ وممكن المؤشر يرتفع وتزيد سعر الوحده وتربح

وتقدر تسحب المبلغ اللي تبي بس لا يقل عن 2000 ريال وكذالك الاضافه

واخوي انصحك بالتقسيم على الاهلي والرائد لان من افضل الصناديق صراحه

الاهلي يقيم يوم الاثنين = وتطلع النتيجه يوم الاربعاء
ويوم الخميس = وتطلع النتيجه يوم الاحد

والرائد يوم واحد بالاسبوع

اذا عندك حساب فقط عليك الاشتراك مباشرة واذا ماعندك افتح حساب جاري ثم اطلب حساب استثماري وتكون اشتركت

ولا تسحب المبلغ اذا وضعته الا بعد شتة اشهر وذالك لكي تجني ارباح كثيره باذن الله

وابشرك اخوي انشالله السوق طيب وفيه الخير

وبالنسبه لتقييم الاهلي انتظر بكره وانشالله نبلغك كم سعر الوحده وكم ارتفعت

وتقبل التحيه وانشالله اكون وفيت ومانكون قصرنا

الله يستر عليك يا أخي مكتتب دنيا وأخره ما قصرت ولا تحرمنا بي أي إضافات في هالموضوع حتى يستفيد منه كل من يحب الدخول في هالصناديق
ولكن نصيحتك هل أجرب صندوق الامانه يقولون إنه ربحه طيب فماهو رأيك ؟؟

وما هي حكايه النسبه إلي يأخذونه البنوك بعضهم 1.5 وبعضهم 3 % هل يأخذونه كل تقيم أي إسبوعيا أم فقط مره واحده في السنه أم مره واحد في أول ربح لي الصندوق فقط ؟؟؟

وهل يأتي لي صندوق البريد كل تفاصيل الصندوق بي كل صغيره وكبيره حتى المبلغ إلي يأخذه البنك ؟؟؟

وأخيرا إيش هو الموقع إلي تنصحنا فيه غير موقع تداول وبخيت لأن وكالة يقولون يقولوا إنهم بياناتهم ماهي صحيحه فكيف يتم التشيك


و10000000 شكر لكم

السلام عليكم
اعتقد اني انا وياك على نفس الطريق... ولاكن صدقني انا افكرت كثير قبل ان اقرر.
في شي قد يكون مختلف عنك .. وهذا الشي من اهم الاشياء اللي سوف تعود عليك بالربح.. وهو اني واضع المبلغ على ان يكون استثمار طويل الاجل.. يعني افكر اسحبه بعد 31 شهر. وعليك الحساب.

اسال الله ان يرزقني واياكم
اخوك ابو مشعل

اعتقد اخوي ان صندوق الامانه مومثل ربح الاهلي او الرائد الاهلي والرائد ارباحهم مرتفع بكثير عن هالصندوق الامانه

اما النسبه اللي ياخذونها البنك فهي مختلفه مثل الرياض 1 % والاهلي 1.5 % ولكن الرياض عند اول الدخول والاهلي عندما تريد ان تخرج من الصندوق في اقل من السنه ياخذون هالنسبه فقط ولا ياخونها عند كل تقييم

نعم اخوي بالنسبه للبريد يوصلك كشف حساب وعدد الوحدات وعدد الارباح مع راس المال

اما بالنسبه للمواقع اللي تعرف اسعار الوحدات فاانصحك كل صندوق تشترك فيه تذهب لموقع البنك نفسه وتشوف التفاصيل مثلا الاهلي للمتاجره بالاسهم المحليه تروح موقع الاهلي
والرائد تروح لموقع البنك الامريكي سامبا

وبكذا تقدر تطمن وشكرا

والله يوفقك

شخصيا مشترك في الاهلي للمتاجرة بالاسهم ( شرعي ) و ايضا مشترك في صندوق سامبا ( الرائد ) وهو ايضا شرعي

اشوفهم الافضل

يعطيكم العافيه يا إخوان ومازلنا في إنتظار المزيد من الاراء