بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > المنتـدى الــعـــــــام
المنتـدى الــعـــــــام   ( موضوعات متنوعة+ تجارب وخبرات + الأسرة + عروض البيع والشراء)



.....آنـسـتـي العـزيـزة.....

موضوع مغلق
 
LinkBack أدوات الموضوع انواع عرض الموضوع
قديم 16-04-2006, 12:37 PM   #1
معلومات العضو






fuadn غير متواجد حالياً

أحصائية الترشيح

عدد النقاط : 10
fuadn is on a distinguished road



Wink .....آنـسـتـي العـزيـزة.....

كتبت هذه المشاركه بتاريخ [ قديم 16-04-2006, 12:37 PM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

آنـسـتـي العـزيـزة

آنستي العزيزة.. لو ربنا فك عقدتك.. واتخطبتي.. فإليكِ نصائحي
حتى تأخذي بخطيبك من مركب الخطوبة إلِّي محدش عارف
هاترسى على إيه.. إلى مثوااااه الأخير في قفص النسانيس



قصدي قفص الزوجية السعيد ..


أجمل ما في الخطوبة العزومات الرومانسية.. على أحلى محلات أكل في البلد
.. واللي عمرك مانتي شايفاها بعد الجواز..
المهم نصائحي لك عند أي عزومة مع خطيبك.. قلنا رقَّه




1 -

الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًااا




2 -

العيش أوعي تفضحينا وتقطعيه بسنانك.. ولا الرغيف نصين
بإيدك وكل نص لقمة وتحشري.. أوعي.. العيش بيتقطع
بالسكينة في الطبق.. وبعدين تاخدي لقمة.. لقمة .. بالعافية
.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِـفِّي زي ماانتِ عايزة




3 -

الشوووربة.. أبوس كعب رجلك.. بند الشوربة ده مهم جدًاااا
الشوربة تتشِرب من غير صوت خالص.. ومن غير ماتقعدي
تنفخي فيها.. زي القهوجي اللي بينفخ في الحجر للزبون..
وطبعًاااااا عايزِك تنسي تمامًا.. السلطانية
اللي بتقيميها على بقك في البيت وتدلدقي على روحك
..بالمعلقة وبدون صوت.. سخنة, ولعة , برضه بدون صوت
وتسيبي تلت الطبق ع الأقل.. مش تميّليه.. عشان تلهطيها لآخر نقطة




4 -

الرز طبعاً .. بيتّاكل بالشوكة.. أوعي إيدك تتمد على المعلقة
وتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه



5 -

المكرونة.. الاسباجتي.. برضه بالشوكة.. تتلف على طرف الشوكة
.. لحد ما تخلص وبعدين تحطيها ف بؤك من سكات.. مش تشفطي المكرونة عود عود




6 -

السمك.. مشكلة.. شوفي.. بتفصلي اللحم عن الشوك إزاي..؟؟
تقطعي اللحم من النص.. بالطول وبعدين تفردي اللحم على الجانبين
ولما تخلصي ناحية.. متقلبيش السمكة.. بلاش فلح
شيلي السلسلة بالشوكة والسكينة وحطيها في جنب الطبق
وكملي أكل النص التاني.. وبدل الفيلم الهندي ده..
نصيحة ماتكليش السمك خالص.. قولي مابحبش السمك وخلصي نفسك




7 -

الجمبري.. -إذا كنتي عارفاه-.. أول ماطبق الجمبري ينزل..
بصيله بقرف واحتقار شديدين.. آل يعني زهقانة من كتر أكل الجمبري
الجامبو ف بيت بابّااااا.. واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي




8 -

البطاطس سواء مسلوقة أو محمرة.. أوعي تهرسيها وتدبيها
على الرز وتدّي ...لا..لآ...لآ...بالشوكة حتة حتة
وإنت زي ما تكوني هاتعيطي من كتر ما البطاطس صعبانة عليكي





9 -

الفاكهة.. لو الفاكهة فيها بذر.. طلعيه من بؤك بالراحة وحطيه
في إيدك وهي مقفولة.. وبعدين في طفاية السجاير اللي ع الترابيزة
أوعي ياحبيبتي من نظام التفتفة للبذر.. إنسي





10 -

ولما تخلّصي أكل تحطي إيدك على بطنك.. -اللي عصافيرها
بتصوصو من العينات اللي كلتيها-.. وتقولي له مش ممكن..
أنا عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير لزمة
.. وتبوسيها.. آل يعني بتمسحي بؤّك
وبعدين تستأذني منه لإصلاح ماكياجك.. وتخشي التواليت
وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفاااااااااا

منقوووووووول







لحفظ الموضوع والإستفاده منه إستخدم هذا الرابط :
.....آنـسـتـي العـزيـزة.....
http://www.sahmy.com/t70702.html


 


قديم 16-04-2006, 03:41 PM   #2
معلومات العضو






Nieveen غير متواجد حالياً

أحصائية الترشيح

عدد النقاط : 10
Nieveen is on a distinguished road



افتراضي

.
.

ليه يا فؤادن جر الشكل ؟ .. .. ماكنت طيب وأمير .. .. جبته لنفسك


ولنبدأ من هنا .. ..


اذا كان للرجل حق تأديب زوجته بالعصا .. فللمرأة حق تأديب زوجها بالحيلة
بعد ان توارت الافكار القديمة التي كانت تدور في رأس ستي تفيدة .. عندما تضيق بالحياة مع جدي سي السيد
ولا تجد طاقة للنجاة


فواضح الان ان الأمر افلت من الرجل ليستقر في يد المرأة
وليس من المستبعد مستقبلا ان تقف الخطيبة في محفل نسائي وتطلب الوقوف حدادا على ذكري الشهيدة تفيدة اول رائدة نسائية .. مشت زوجها على عجين ميلخبطوش

واقتراحا لحل الضغائن التاريخية بين الرجل والمرأة .. اوصت احدي الجمعيات النسائية بان تكون العصمة في يد الزوجة .. حتي يختفي الدافع للخلاص
شرط ان تحفظ الزوجة للرجل هيبته ولو صوريا .. .. فتتقدم منه لتقول : هل يسمح سيدي وتاج راسي ان اطلقه بالتلاته


ولكن المشكلة تكمن في الرجل الشرقي الذي يرفض ان تحمل زوجته لقب صاحبة العصمة .. .. ولو ادى الأمر الي ان يحمل هو لقب المرحوم


ودمت لي استاذا متحدياً سالما سعيدا .. .. نيفين







 
قديم 16-04-2006, 05:59 PM   #3
معلومات العضو






fuadn غير متواجد حالياً

أحصائية الترشيح

عدد النقاط : 10
fuadn is on a distinguished road



افتراضي

وذلك لنبرز ماتملكين من موهبة في الكتابة حقااا ردك اكثر من رائع واتمنى ان اشاهد مواضيعك الجديده








 
قديم 16-04-2006, 09:33 PM   #4
معلومات العضو






Nieveen غير متواجد حالياً

أحصائية الترشيح

عدد النقاط : 10
Nieveen is on a distinguished road



افتراضي

اقتباس:
المشاركة الأصلية كتبت بواسطة fuadn
وذلك لنبرز ماتملكين من موهبة في الكتابة حقااا ردك اكثر من رائع واتمنى ان اشاهد مواضيعك الجديده


.
هناك بعض الاعضاء مواضيعهم .. .. تستفزني أدبيا
وانت واحد منهم

حقيقة موضوعك جدير بالقراءة لأكثر من مرة .. .. نيفين







 
قديم 16-04-2006, 09:38 PM   #5
معلومات العضو






fuadn غير متواجد حالياً

أحصائية الترشيح

عدد النقاط : 10
fuadn is on a distinguished road



افتراضي

ميرسي وقد وضعت موضوع باللغة الفرنسية وذلك لتقوي لغتك الفرنسية أكثر وأكثر

شكرا لمرورك








 

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.