بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > الأسهـــم السعـــوديــــه
الأسهـــم السعـــوديــــه   النقاش والمتابعه لوضع سوق الأسهم و هيئة سوق المال وشركات السوق ووسطاء التداول



من الأرشيف : الصبر زيــــــــــــن

موضوع مغلق
 
LinkBack أدوات الموضوع انواع عرض الموضوع
قديم 24-03-2006, 01:43 AM   #1
معلومات العضو






الرضا طبعي غير متواجد حالياً

أحصائية الترشيح

عدد النقاط : 10
الرضا طبعي is on a distinguished road



Cool من الأرشيف : الصبر زيــــــــــــن

كتبت هذه المشاركه بتاريخ [ قديم 24-03-2006, 01:43 AM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

الصبر زين إلا بسهم المواشي
ألف :
أولف وأول السوق نسبه نسبة تحت ما عاد تحتاج حسبة
سوق ضربنا فوق عشرين ضربة والصبر زين إلا بسهم المواشي
والباء :
بدينا وأشترينا وبعنا وياليتنا فيما كسبنا قنعنا
طرنا وتعلينا ولكن وقعنا والصبر زين إلا بسهم المواشي
والتاء :
توقعنا تزيد المكاسب وقلنا نبي نشرب لذيذ المشارب
لكن ورطنا بين عارض وطالب والصبر زين إلا بسهم المواشي
والثاء :
ثبت عندي بعلم يقيني اني خسرت وراح ما في يميني
الله على تسديد ديني يعيني والصبر زين إلا بسهم المواشي
والجيم :
جمعنا سهوم كثيرة ولا درينا أن الدعاوي خطيرة
حتى خسرنا والخسارة كبيرة والصبر زين إلا بسهم المواشي
والحاء :
حسافة يا جماعة فلوسي حطيتها بأسهم وكسّرت قوسي
صحيح هالدنيا عطتنا الدروسي والصبر زين إلا بسهم المواشي
والخاء :
خلاص اقول توبه ولا أعود لو كنت بالمكسب موصى وموعود
وهذا قرار ما علي فيه منقود والصبر زين إلا بسهم المواشي
والدال :
دجينا بسهم المواشي نشريه غالي ثم نبيعه بلاشي
هذا جزاة اللي شرا بالخشاشي والصبر زين إلا بسهم المواشي
والذال :
ذاك اللي تسبب علينا ويا الله لو انه يطيح بيدينا
من دون ذبحه كلنا ما رضينا والصبر زين إلا بسهم المواشي
والراء :
رمينا رمية دون رامي وصابت وقلنا حرفنة ياسلامي
السوق طيب لين جانا الصرامي والصبر زين إلا بسهم المواشي
والزاي :
زدنا يوم شفنا المرابح وقمنا مع العالم نزيد المطابح
ويمكن على بعض السهوم انتذابح والصبر زين إلا بسهم المواشي

والسين :
سوينا بها فاهميني نشري نقول السوق بكره يزيني
نبغى المكاسب وأثرنا خاسريني والصبر زين إلا بسهم المواشي
والشين :
شاري يومه السوق غالي ما همني لو زاد فيها ريالي
لا والله الا راح باقي حلالي والصبر زين إلا بسهم المواشي
والصاد :
صدق اللي سهما منول حول ميه وسبعين واليوم حول
ينزل الى ستين شي يهول والصبر زين إلا بسهم المواشي
والضاد :
ضاربنا بسهم الفنادق لكن رمونا مثل رمي البنادق
حتى زبنا بالحفر والخنادق والصبر زين إلا بسهم المواشي
والطاء :
طمرنا طمرة دون داعي نبغى النسب بالباحه أو بالجماعي
واليوم يكفينا حليب المراعي والصبر زين إلا بسهم المواشي
والظاء :
ظلمني من نصحني بتعمير ويقول لي هذا السهم مكسبه غير
وانا مطبح فيه من دون تفكير والصبر زين إلا بسهم المواشي
والعين :
عيوا يرفعون المؤشر يمكن سياسة سوق لازم يخسر
كم واحد من ذا المؤشر مدمر والصبر زين إلا بسهم المواشي
والغين :
غيّر يالمحافظ وبدل موضوعنا حله وبالسوق عدل
نظامكم ما هو كتاب منزل والصبر زين إلا بسهم المواشي
والفاء :
فتيحي مشترينه بطمعه لكن جانا منه عشرين قمعه
ما اظن يستاهل حسابه وجمعه والصبر زين إلا بسهم المواشي
والقاف :
قالوا بكره السوق يرتد والوضع اشوفه كل يوم يتعقد
مقرود يامن طاع شور المقرد والصبر زين إلا بسهم المواشي
والكاف :
كافي يا وزير التجارة خمسين بالميه علينا خساره
ان كان تفهم في فنون الاداره والصبر زين إلا بسهم المواشي
واللام :
لبنى يوم أغارت بلا خيل خذت بسطوتها سهوم الرجاجيل
وخلت مدامعهم تبل المناديل والصبر زين إلا بسهم المواشي

والميم :
ما تنفع سهوم العوايد خسرانة وما عاد فيها فوايد
الفايده بالكاش لا صار زايد والصبر زين إلا بسهم المواشي
والنون :
نادوا من يعرف السلومي وقولوا توجه يم شيخ القرومي
يحلها لا صار وقت اللزومي والصبر زين إلا بسهم المواشي
والهاء :
هروج كل يوم تعادي كل يسوي فاهم ٍ واقتصادي
ياطيبكم عند العشاء والمنادي والصبر زين إلا بسهم المواشي
والواو :
وهقنا المسمى ابراهيم يقول انا بقلب جميع المفاهيم
ياعزتيله علقوه الشغاميم والصبر زين إلا بسهم المواشي
والياء :
ياربي طالبك ترحم الناس وان تنتقم يارب من فعل الأنجاس
ولا باس ياللي صابه الهم لا باس والصبر زين إلا بسهم المواشي ..!!
.......................................
وسلامتكم,,,


من عضو آخـــــــــر مخزنه لدي أحببت المشاركـــــــــــة بها







لحفظ الموضوع والإستفاده منه إستخدم هذا الرابط :
من الأرشيف : الصبر زيــــــــــــن
http://www.sahmy.com/t63952.html


 


قديم 24-03-2006, 01:54 AM   #2
معلومات العضو





التسعاوي يجرح ويداوى غير متواجد حالياً

أحصائية الترشيح

عدد النقاط : 10
التسعاوي يجرح ويداوى is on a distinguished road



افتراضي

ههههههههههههههههههههه هههههههههههههههههههه
والله قريت هذة القصيدة اكثر من مرة
لكن اول مرة افهم معناها صح 100%








 
قديم 24-03-2006, 03:26 AM   #3
معلومات العضو






خوي الليل غير متواجد حالياً

أحصائية الترشيح

عدد النقاط : 10
خوي الليل is on a distinguished road



افتراضي

بارك الله فيكما.







 
قديم 24-03-2006, 12:56 PM   #4
معلومات العضو






الرضا طبعي غير متواجد حالياً

أحصائية الترشيح

عدد النقاط : 10
الرضا طبعي is on a distinguished road



افتراضي

شكراً لمروركـــــــــــــــــما

وإن شاء الله هذا الأسبوع حافل بالتـــــــــغيرات








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
دروس قبل وبعد التدوال مهمة جدا جدا احفظها وسمعها لام العيال مسمار الأسهـــم السعـــوديــــه 1 15-10-2007 08:58 AM
شوف ماذا عمل احد المتداولين بالراجحي بعد نفاذ الصبر ( صورة فقط ) ابواشرف الأسهـــم السعـــوديــــه 11 22-03-2006 03:08 AM
شوف ماذا عمل احد المتداولين بالراجحي بعد نفاذ الصبر ( صورة فقط ) ابواشرف الأسهـــم السعـــوديــــه 0 22-03-2006 01:08 AM
الصبر على البلاء ولدينبع الأسهـــم السعـــوديــــه 1 08-03-2006 09:18 PM
سأصبر حتى يعجز الصبر عن صبري وأصبر حتى يعرف الصبر اني ابومدى الأسهـــم السعـــوديــــه 4 04-03-2006 04:21 PM








الساعة الآن 12:43 PM.


Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.