بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > المنتـدى الــعـــــــام
المنتـدى الــعـــــــام   ( موضوعات متنوعة+ تجارب وخبرات + الأسرة + عروض البيع والشراء)



قصه خنفشاريه 0

موضوع مغلق
 
LinkBack أدوات الموضوع انواع عرض الموضوع
قديم 14-03-2006, 10:11 PM   #1
معلومات العضو





المجادل غير متواجد حالياً

أحصائية الترشيح

عدد النقاط : 10
المجادل is on a distinguished road



Talking قصه خنفشاريه 0

كتبت هذه المشاركه بتاريخ [ قديم 14-03-2006, 10:11 PM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

بسم الله الرحمن الرحيم

مساكم الله بالخير جمياً

هذي القصه لاحد معارفي ارسلها الي للمشاركه بها في احد المنتديات فاحببة ان اشارككم بها في مثل هذا الوقت

--- بداية القصه---

يلابسم الله الرحمن الرحيم

سلام عليكم ورحمة الله وبركاته

تسيف حالكم كل ابوكم

قصتي (( أنا وثالووووولي))



تبدأ قصتي في يوم من ايام الصيف الحارق وفي عنفوانية العصرية كنتو منجطلن على الكنبة ونايم وساحبن على اهلي بما اني كنت بوديهم عند خالتي ..

وهذا سيناريو ماحصل :

امي : قم ياتبن ودنا عند اختي يلله ترا جا العصر

انا : "" يقالي نايم "" طيب يمه خلي اخوي يقلطه ويقهويه ابنام خمس دقايق

قامت امي ومعه الزبيريات حقت ابوي وتلفعن مع خشتي وتقول : قام قامت عصبك

انا : "متفاجئ" وانا اقوله خير وتعقدت بالحيل..

امي : يلله قم ببل خشمي لاينشف الا وانت بالسيارة

انا : طييييييب

تنتقل الكاميرا عني حيث اني قاعد اتلبس

وترجع الكاميرا وانا كاشخ ولابس انظف ثيابي << مابالثوب الا بقعه وحده صفراااا

المهم يجيكم الموضوع قعدت احبرش*
الحبرشه وهي عبارة عن اللعب في الشيء ويقال حبرش في مفاتيحه اي لعب فيها .
بيدي الا واتفاجئ والقى فيه انتفاخ يشبه المطب اللي عند بيتنا احس اصبعي يوم رقى هالمطب تكسرت المساعدات << شوماخر على غفله
المهم ..

وانا اللي استغرب وش ذا وانادي على امي يماااااااااه يووووه

امي : ****** وش تبي

انا : فيه مطب باصبعي وش ذا تكفين

قالت :اشوه اشوف

امي وهي تناظر : هذا ثالول وانا امك

انا : ادري انك امي بس وش ذا الثالول

امي وهي تناظر بي والشر طالع من عيونه : طاعون ياولدي الا متى وانت تسذا ماتستحي خل عندك ذرة احترام

انا : ذرة والا قمح << <والله من المصاله

المهم امي سفهتن وراحت تتلبس

وانا حايرررر وش ذا اللي طلع باصبعي كنه حبه من الحبوب ذيك اللي تطلع بالوجه لكن ماش.. ظاهر هالحبه تقل الجلد حق تحتي الرجل اللي يجيك ناشف ومتشطب
؟؟؟؟؟؟
وديت امي لاخته

ورجعت ورحت لابوي وانا امشي على كفرين يبه يبه وش ذااا الثالول ووشلون يروح

<< انا ياحيل الله ياقوته احسب الثالول ذا يقطعون اليد منه خايف طاقتن تسبدي

المهم قالي اشوه اتسويه يروح قلت لالالالالاع من الخرعه خخخ واهج لان كان فيه حصات تلاحقن مثل فلم كرتون والف يمين تلف معي والف يسار تلف معي اخر شي سويت اني فنان وانبطح على الارض وهي تووش من عند اذني وتقول اوووووف << مثل لا جا واحد وهف عند اذنك

الا ويجي فوق الحصاة علامات تعجب !!! وتدور مالقتن وتناظر وراه الا انا منبطح وترجع وتكمخن مع راسي وتردي بي مغمن عليا

واقوم على المغرب واناظر الا الدعوه به دم وخرابيط واقوم اغسل وانا اهوجس بذا الثالول

ومرت الايام وكبر الثالول وصار مثل ولدي اراعيه واربيه واقومه للصلات << تستهبل انت ووجهك

المهم عشت مع ثالولي وعاش معي حياة مزرية

كل يوم انقشة بمفتاح والا بمقص الاظافير ابدا اقطعه لين مره انقشع وانا اللي استانس ومن الفرحه رحت اشتريت لي عصير الربيع ابوريالين من الفرحه

ويافرحة ماتمت ماقعد اسبوع الا هو طالع مره ثانيه وشكله غادين اقشر يخوف وانا اللي اخاف منه وابدى اوخر عنه واخليه

قلت مافي فايده الا اني اطنشه واعطيه الخامس ولا اعبره والله وابدى بتنفيذ الخطه

ويوم عن يوم بديت انساه ولا اعبره وخليته ينلعن لا واناظرة واتطنز عليه اقوله بلله عليك ذا شكل ثالول كنك بس لافعك واحد بنعال خخخخخخخخ واقعد اضحك وهو اللي يحقد علي ويقولي انا اوريك قلت اها بس الخلا

والله واتركه ويكبر ابن اللذينا الين غدا تقل يد ثانية ياهوو يابن الناس تكفى وخر خلني اعيش حياتي يقول انا اللي تقل بس ملفووع بنعله !!!
وابوي يقولي خن نتسويه وانا اقوله تبي الحين توخر والا شلون بلا تسوي بلاهم
والله واتركه لين بدى يصغر يصغر يصغر لين بقى مثل الراس صغير تقل عروة فنجال شاهي وامسكه مع عروته واضغط عليه واقوله هيه انت تبي تعقل وتروح وتفكنا من شرك والا شلون

قالي وصوته يالله يطلع : ان فه وانه اتكه

قلت وششششش تقول انت وفهمت منه انه يقولي فك خلني اتتكلم وافك عنه شوي

وخليته يتكلم

قال : ياخوي اصلن انت مامنك فايده وخلاص قررت اني اروح من اصبعك والله اني انا ابتلشت بك

انا وضحكت المكر طالعه مع خشمي : شف لك مهله ثلاث ايام والا ترى بذبحك << غادي قوي هنا

قالي سم وانا اللي اخنقه شوي واطلقه قلت له بدون لف ودوران والا ترى بقتلك تراك للحين ماعرفتني

والله واخليه واروح لم الشباب ونكشت ذيك اليوم رحنا للبر واجيك انا يقالي بحوووف العشا لهم

وانا منهمك في حوفة العشا وبما ان القدر كان على النار << اجل وش كان عليه على الماء اخلص بس

الا يحك الثالول بالقدر ويكويه القدر وانا اسحب ايدي من الوجع واصقع القدر ويطيح الرز وانا اصيح من شد ماجاااني من الحرق ويجيبون العيال شواهي ومياهه ويكبونها على اصبعي وهو وااارم غادي تقل هضبة نجد << والله من زين التشبية

ويغمى علي من شد الوجع وانام

تنتقل الكاميرا الى بيتنا ...

واقوم الا انا بسطح بيتنا الساعه 12 والشمس لاعبة بالسطح تنس طاوله والسطح غادي تقل مقلى زيت من شدة حرارته وانا اللي اشم ريحت حس حسه واتلفت الا اشوف ايدي على الارض ومن شدة حرارت الارض شعر ايدي محسس واصبعي غادي تقل هوت دوق << اخس يالفاهم

وانا اللي اقوم واصيح ويطلع مع راسي نااااااار من شد الوجع واغسل ايدي وادور واتذكر ان الثالول ماهو الا حلم لاني قبل مانام كنت اعد النجوم وقالت لي امي لاتعد النجوم لانهم يقولون حقين منول ان اللي يعد سبع نجوم يطلعله ثالول بايديه وانا مصدق ومسوي قوي وعديت سبع ونمت وانا خايف وحلمت بهالكابوس الله لايعييده
وبس "فل ستوب"<<< نقطه انتهى
هدف هالقصه انه مانصدق هالخرافات حقات منول الا تقول انه الواحد لاعد سبع نجوم يطلع له ثالول ونعرف ان هالاشياء ماهي الا وسيله عشان ينامون البزراين ومايسهرون وبسسس






لحفظ الموضوع والإستفاده منه إستخدم هذا الرابط :
قصه خنفشاريه 0
http://www.sahmy.com/t60992.html


 


قديم 14-03-2006, 11:16 PM   #2
معلومات العضو






Nieveen غير متواجد حالياً

أحصائية الترشيح

عدد النقاط : 10
Nieveen is on a distinguished road



افتراضي

هذه ليست قصة خنفشارية ولكنها .... ولكنها قصة همايونية







 
قديم 15-03-2006, 10:49 PM   #3
معلومات العضو





المجادل غير متواجد حالياً

أحصائية الترشيح

عدد النقاط : 10
المجادل is on a distinguished road



افتراضي

اقتباس:
المشاركة الأصلية كتبت بواسطة nieveen
هذه ليست قصة خنفشارية ولكنها .... ولكنها قصة همايونية

اولاً 0 وهو المهم شكراً اختي على المرور

ثانياً - مافهمت والله كلمة ( همايونيه ) ؟

ثالثاً 0 اعجبتكم القصه 0







 
قديم 16-03-2006, 12:07 AM   #4
معلومات العضو





محلل نفسي غير متواجد حالياً

أحصائية الترشيح

عدد النقاط : 10
محلل نفسي is on a distinguished road



افتراضي

شكراً لك المجادل هههههههههههه








 
قديم 16-03-2006, 04:18 AM   #5
معلومات العضو





histury غير متواجد حالياً

أحصائية الترشيح

عدد النقاط : 10
histury is on a distinguished road



افتراضي

شكراًلك ولكن مافهمت شئ الاكلمة .....هضبة نجد








 
قديم 16-03-2006, 04:47 AM   #6
معلومات العضو





aborema12 غير متواجد حالياً

أحصائية الترشيح

عدد النقاط : 10
aborema12 is on a distinguished road



افتراضي

يعطيك الف عافيه








 

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.