بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > الأسهـــم السعـــوديــــه
الأسهـــم السعـــوديــــه   النقاش والمتابعه لوضع سوق الأسهم و هيئة سوق المال وشركات السوق ووسطاء التداول



الجسور يقولون طلما الامر استراحة محارب فهذه بعض الادوات قد تحتاجها

موضوع مغلق
 
LinkBack أدوات الموضوع انواع عرض الموضوع
قديم 09-03-2006, 03:16 PM   #1
معلومات العضو





الجسور غير متواجد حالياً

أحصائية الترشيح

عدد النقاط : 10
الجسور is on a distinguished road



افتراضي الجسور يقولون طلما الامر استراحة محارب فهذه بعض الادوات قد تحتاجها

كتبت هذه المشاركه بتاريخ [ قديم 09-03-2006, 03:16 PM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

قصيدة روعة فيها معاني كبيرة وفيها دق وذب على بعض اسهمنا ويوزراتنا بس ويله اللي يزعل القديرة


بس في تحامل على المواشي مع العلم تاكد خبرهم مشاريع مع المراعي على كلام ولد المكيرش معنا

ألف أولف وأول السوق نسبه = نسبة تحت ما عاد تحتاج حسبة
سوق ضربنا فوق عشرين ضربة = والصبر زين الا بسهم المواشي

والباء بدينا وأشترينا وبعنا = وياليتنا في ما كسبنا قنعنا
طرنا وعلينا ولكن وقعنا = والصبر زين الا بسهم المواشي

والتاء توقعنا تزيد المكاسب = وقلنا نبي نشرب لذيذ المشارب
لكن طحنا بين عارض وطالب = والصبر زين الا بسهم المواشي

والثاء ثبت عندي بعلم يقيني = اني خسرت وراح ما في يميني
الله على تسديد ديني يعيني = والصبر زين الا بسهم المواشي

والجيم جمعنا سهوم كثيرة = ولا درينا أن الدعاوي خطيرة
حتى خسرنا والخسارة كبيرة = والصبر زين الا بسهم المواشي

والحاء حسافة يا جماعة فلوسي = حطيتها بأسهم وكسرت قوسي
صحيح هالدنيا عطتنا الدروسي = والصبر زين الا بسهم المواشي

والخاء خلاص اقول توبه ولا أعود = لو كنت بالمكسب موصى وموعود
وهذا قرار ما علي فيه منقود = والصبر زين الا بسهم المواشي

والدال دجينا بسهم المواشي = نشريه غالي ثم بعنا بلاشي
هذا جزاه اللي شرا بالخشاشي = والصبر زين الا بسهم المواشي

والذال ذاك اللي تسبب علينا = ويلاه لو انه يطيح بيدينا ( ابد مو جماز )
من دون ذبحه كلنا ما رضينا = والصبر زين الا بسهم المواشي

والراء رمينا رمية دون رامي = وصابت وقلنا حرفنة ياسلامي
السوق طيب لين جانا الصرامي = والصبر زين الا بسهم المواشي

والزاي زدنا يوم شفنا المرابح = وقمنا مع العالم نزيد المطابح
ويمكن على بعض السهوم انتذابح = والصبر زين الا بسهم المواشي

والسين سوينا بها فاهميني = نشري نقول السوق بكره يزيني
نبغى المكاسب وأثرنا خاسريني = والصبر زين الا بسهم المواشي

والشين شاري يومه السوق غالي = ما همني لو زاد فيها ريالي
لا والله الا راح باقي حلالي = والصبر زين الا بسهم المواشي

والصاد صدق اللي سهما منول = حول ميه وسبعين واليوم حول
ينزل الى ستين شي يهول = والصبر زين الا بسهم المواشي

والضاد ضاربنا بسهم الفنادق = لكن رمونا مثل رمي الفنادق
والخنادق = والصبر زين الا بسهم المواشي

والطاء طمرنا طمرة دون داعي = نبغى النسب بالباحه وبالجماعي
واليوم يكفينا حليب المراعي = والصبر زين الا بسهم المواشي

والظاء ظلمني من نصحني بتعمير = ويقولي هذا السهم مكسبه غير
هايم و مطبح فيه من دون تفكير = والصبر زين الا بسهم المواشي

والعين عيّوا يرفعون المؤشر = يمكن سياسة سوق لازم يخسر
كم واحد من ذا المؤشر مدمر = والصبر زين الا بسهم المواشي

والغين غير يالمحافظ وبدل = موضوعنا حله وبالسوق عدل
نظامكم ما هو كتاب منزل = والصبر زين الا بسهم المواشي

والفاء فتيحي مشترينه بطمعه = لكن جانا منه عشرين قمعه
اما اظن يستاهل حسابه وجمعه = والصبر زين الا بسهم المواشي

والقاف قالوا بكره السوق يرتد = والوضع اشوفه كل يوم يتعقد
مقرود يامن طاع شور المقرد = والصبر زين الا بسهم المواشي

والكاف كافي يا وزير التجارة = خمسين بالميه علينا خساره
ان كان تفهم في فنون الاداره = والصبر زين الا بسهم المواشي

واللام لبنى يوم أغارات بلا خيل = خذت بسطوتها سهوم الرجاجيل
وخلت مدامعهم تبل المناديل = والصبر زين الا بسهم المواشي

والميم ما تنفع سهوم العوايد = خسرانة وما عاد فيها فوايد
الفايده بالكاش لا صار زايد = والصبر زين الا بسهم المواشي

والنون نادوا من يعرف السلومي = وقولوا توجه يم شيخ القرومي
يحلها لا صار وقت اللزومي = والصبر زين الا بسهم المواشي

والهاء هروج كل يوم تعادي = كل يسوي فاهم واقتصادي
ياطيبكم عند العشاء والمنادي = والصبر زين الا بسهم المواشي

والواو وهقنا المسمى ابراهيم =يقول انا بقلب جميع المفاهيم
ياعزتيله علقوه الشغاميم = والصبر زين الا بسهم المواشي

والياء ياربي طالبك ترحم الناس = وان تنتقم يارب من فعل الأنجاس
ولا باس ياللي صابه الهم لا باس = والصبر زين الا بسهم المواشي

وسلامتكم اشوا اللي مافيه طاري المصافي ولا سيسكو عشان ما تقولو يطبل هع


اسف يا اخوان تراها مزح ولا احد يشيل بخاطرة واللي ما ذكرنا اسمه نجيبك بالانهيار القادم الله لا يقوله






منقـــــــــــــــــــــــــــــــول








لحفظ الموضوع والإستفاده منه إستخدم هذا الرابط :
الجسور يقولون طلما الامر استراحة محارب فهذه بعض الادوات قد تحتاجها
http://www.sahmy.com/t59127.html


 


موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة









الساعة الآن 06:46 AM.


Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.