بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > المنتـدى الــعـــــــام
المنتـدى الــعـــــــام   ( موضوعات متنوعة+ تجارب وخبرات + الأسرة + عروض البيع والشراء)



لكن أخاف السوق ياخذ خشوعي ..ما غير افكّر بالسهم في ركوعي هذا نزل نسبه وذا في طلوع

موضوع مغلق
 
LinkBack أدوات الموضوع انواع عرض الموضوع
قديم 18-02-2006, 12:28 PM   #1
معلومات العضو





ابومدى غير متواجد حالياً

أحصائية الترشيح

عدد النقاط : 10
ابومدى is on a distinguished road



افتراضي لكن أخاف السوق ياخذ خشوعي ..ما غير افكّر بالسهم في ركوعي هذا نزل نسبه وذا في طلوع

كتبت هذه المشاركه بتاريخ [ قديم 18-02-2006, 12:28 PM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

قال الذي في سوق الاسهم تغربل ................. إندق حاله قبل ماله يدبَّل
شاروا عليّه ناسِ غشْمٍ مهبّل .................دبّل قروشك عام سبعه وعشرين
قلت اصبرو قدمت قرضٍ على البنك .................أُما شرولي رزّ ولاشرو زنك
والله يسهّلها على اللي شكا الضنك .................دبّل قروشك عام سبعه وعشرين
لكن أخاف السوق ياخذ خشوعي .................ما غير افكّر بالسهم في ركوعي
هذا نزل نسبه وذا في طلوعي .................دبّل قروشك عام سبعه وعشرين
حتى المجالس هرجة الناس الاسهم .................ضاعت حلاة الكيف والكل مهتم
أحدٍ تشوف السن وأحدٍ مغلدم .................دبّل قروشك عام سبعه وعشرين
واحترت مدري ويش اباخذ واخلي .................سهم ٍمعلي بس الاخر مدلي
محدن يجيب العلم محدن يدلي .................دبّل قروشك عام سبعه وعشرين
قلت المشوره قالو السهم سابك .................إمية سهم فالمحفظه من حسابك
هذي عروس السوق حظك رسابك .................دبّل قروشك عام سبعه وعشرين
ولاّ المصافي ياعريب الجدودي .................سَهْمَ الملوك وكلِّ يومٍ يزودي
لكن حذرا عن سهمْها تنودي .................دبّل قروشك عام سبعه وعشرين
وش رايكم في سافكو ياجماعه .................قالو بنيّة سابك من الرضاعه
إغرف مادام ان السهم وسْط قاعه .................دبّل قروشك عام سبعه وعشرين
قلت الخزف مافيه شكٍّ ولاريب .................والعالم اِني صرت في صيدته ذيب
قالو موفّق والخزف يخْلِف اِبطيب .................دبّل قروشك عام سبعه وعشرين
قلت اُم عشْرينٍ وخمسين رمزه .................بنتٍ تعلّق قلب من شاف غمْزه
الدرّه اللي ما تغشّاه همْزه .................دبّل قروشك عام سبعه وعشرين
قلت اِبو عشرينٍ وستين طيّب .................قالو مضاربها كريمٍ حبيّب
قلت الهدف قالو هدفها قريّب .................دبّل قروشك عام سبعه وعشرين
قلت الدوائيّه عساها تعيضي .................تشفي حظيظٍٍ له زمانٍ مريضي
قالو لي ابشر سَهْمها ما يغيضي .................دبّل قروشك عام سبعه وعشرين
قلت النصيحه وش تقولون بالغاز .................قالو مصيبٍ فيه وابرك من القاز
ياما تخفّى في عباته من الغاز .................دبّل قروشك عام سبعه وعشرين
والجبس قالو سهْم خمسة نجومي .................باكر تشوفه فوق الالفينِ يومي
ياسِعْدِ من يمسك عليه ويصومي .................دبّل قروشك عام سبعه وعشرين
قلت الغذائيه وقالو شِريْكه .................إنتاجها بالسوق خُبزٍ وكيكه
قلت احسبنّه بالصناعي مَليكه .................دبّل قروشك عام سبعه وعشرين
قلت اِِبو ألفينٍ وميّه وعَشْرَه .................قالو كلبشاتٍ تضرّك بِقِشْرَه
واِنْ كان تدعي قول ربي تحشره .................دبّل قروشك عام سبعه وعشرين
قلت اُمِّ ألفينٍ وميّه وعشرين .................قالو لقينا الناس عنها مِقفّين
قلت البلا ؛ قالو تبِذّ المساكين .................دبّل قروشك عام سبعه وعشرين
قلت اشْتري صدْقٍ وقالو تركّد .................نخاف بكره من خبرها تنكّد
اصبر يجيك العلم عنها موكّد .................دبّل قروشك عام سبعه وعشرين
قلت الحسا ياناس ولاّ زجاجي .................قالو علامك كنِّ فيك ارتجاجي
الحر الاشقر ما يعوّد دجاجي .................دبّل قروشك عام سبعه وعشرين
قلت اُم ألفينٍ وميّه وستين .................قالو مضاربها يجيب الطواعين
ذا له سنه تطلع وتنزل ريالين .................دبّل قروشك عام سبعه وعشرين
قلت اللجين وسيسكو ودّي اقحش .................كلٍّ يوصّي قالو اُوصاتنا اِنحش
من طبِّ فيهن حشّو اِرْجِيْلِته حش .................دبّل قروشك عام سبعه وعشرين
قلت المشوره ياجماعه بفيبكو .................الظاهر اِنّه ماتقادي لسيسكو
قالو لي اِنشد عن نَتَاجه سدفكو .................دبّل قروشك عام سبعه وعشرين
قلت الحقيقه جايزن لي أنابيب .................مدري خطا ياناس ولاّاِنِّي اِمصيب
ولاّ نما ، قالو ترى لهْ طلاليب .................دبّل قروشك عام سبعه وعشرين
والمعدنيّه ، قالو اُمَّ المسامير .................جنِّب عنَه ما من وراها تباشير
ياما لِحقْنا مِن سَهَمْها مخاسير .................دبّل قروشك عام سبعه وعشرين
شاوَرْتُهُم بالكيمو اُمَّ الدناميت .................امضاربه لا هوب حيٍّ ولا مِيت
واللي شراها دبّل من التناهيت .................دبّل قروشك عام سبعه وعشرين
والزامل ومِن بعده اللي تسمّى .................مجموعةٍ واللغز فيها مِعمّى
من فاز فيهن راس ماله تنمّى .................دبّل قروشك عام سبعه وعشرين
قلت آخذ الصحرا و قالو ترفّق .................لاتخدعك بالسوق ناسٍ تطفّق
ما كل رجالٍ يحلّل يوفّق .................دبّل قروشك عام سبعه وعشرين
قلت المراعي له دعايه وراعي .................آخِر سَهَمْ لي بالمجال الصناعي
ما قيل رجلٍ طبِّ فيها وجاعي .................دبّل قروشك عام سبعه وعشرين
قلت السِمنت وقيل حاز العلامه .................واللي عطاك العلم حشّم مقامه
لاشك نجمه لامعٍ باليمامه .................دبّل قروشك عام سبعه وعشرين
قلت الفنادق قيل مثل البنادق .................قلت العقاريه وقالو خنادق
قلت آخذ البحري وقالو صنادق .................دبّل قروشك عام سبعه وعشرين
قلت اِبشرو بالحج جاك الجماعي .................بين المشاعر ياهل العرف ساعي
ويزور ساسكو بنت عمّه رضاعي .................دبّل قروشك عام سبعه وعشرين
قلت الضحيه والضحيه مواشي .................قالو توقّع لاتجي للخشاشي
قلت الله اكبر فيهِن الرزق ماشي .................دبّل قروشك عام سبعه وعشرين
مكه وطيبه مع عسيرُ وتهامه .................كلٍّ عليهن عضّ بِسْرة اِبهامه
الرابح اللي حطِّهِن في حزامه .................دبّل قروشك عام سبعه وعشرين
قالو مبرّد يالسنافي تكسِّب .................والصادرات الهقوه اِنّه تنسِّب
وابعد عن التعمير باكر تِحسِّب .................دبّل قروشك عام سبعه وعشرين
قلت آخذ الباحه وشمس وثماري .................ولاّفتيحي مع جرير التجاري
حيث اِن له فضل على كل قاري .................دبّل قروشك عام سبعه وعشرين
قالو وعدهن عقب عيد الضحيّه .................اِن كان لك رُوحٍ مع الناس حيّه
قلت السنه هذي علينا رِخيّه .................دبّل قروشك عام سبعه وعشرين
قلت آخذ الكهرب وقالو عقارب .................شطّر عنه كنّك عن الداب هارب
الناس تدري وين عذب المشارب .................دبّل قروشك عام سبعه وعشرين
قلت الزراعه وش تقولون فيها .................قيل الصراحه كل عينٍ عليها
واخصِهن بيشه ونادك تليها .................دبّل قروشك عام سبعه وعشرين
والباقيات الخير فيهِن تبَيَّن .................وان طعت شوري في سهمهِن تليَّن
حقَّ النظر فيهن شويُّ وتعيَّن.................دبّل قروشك عام سبعه وعشرين
والاتِّي الثنتينِ فيهن وصايا .................واشوف بعض الناس عنهن قِصايا
والله لاصبر لين احقق رِجايا .................دبّل قروشك عام سبعه وعشرين
قلت البنوك وقيل عنهن ********** .................غير البلاد اللي تورَّع وشامي
والراجحي قبله رفيع المقامي .................دبّل قروشك عام سبعه وعشرين
ما باقي الاّ وحدةٍ ما ذكرته وسمه .................عليها بس انا احرقت كرته
واللي شرح لي عن نشاطه شكرته .................دبّل قروشك عام سبعه وعشرين
هذي معاناتي على طول الايام .................واقول ما حصّلت يا كود الاوهام
ليتي مشطِّر عن غرابيل الاسهام .................دبّل قروشك عام سبعه وعشرين
ومن قبل اختم القاف عندي نصيحه .................واخص به كل الوجيه الفليحه
المال عند الناس مثل المنيحه .................دبّل قروشك عام سبعه وعشرين
زك وتصدّق لاتطوِّف زكاتك .................ما تدري ان الموت بطْرف عباتك
ما قيل مالٍ زخرفو به حصاتك .................دبّل قروشك عام سبعه وعشرين
والخاتمه صلّو على سيد الابرار .................ما غرّد القمري وما طايرٍ طار
واعداد ما يلفي على البيت زوار ................. دبَل صلاتك قبل عرض الموازين
منقووووووووووووووووووووووووووووووووووووووووووووووو وووووول







لحفظ الموضوع والإستفاده منه إستخدم هذا الرابط :
لكن أخاف السوق ياخذ خشوعي ..ما غير افكّر بالسهم في ركوعي هذا نزل نسبه وذا في طلوع
http://www.sahmy.com/t53954.html


 


قديم 18-02-2006, 12:45 PM   #2
معلومات العضو






الوعد باكر غير متواجد حالياً

أحصائية الترشيح

عدد النقاط : 10
الوعد باكر is on a distinguished road



افتراضي

يعطيك العافيه على النقل

دبل قروشك عام سبعه وعشرين اخاااااااف نروح بخرايطهاااااااااا








 
قديم 18-02-2006, 04:18 PM   #3
معلومات العضو





السوق فوق غير متواجد حالياً

أحصائية الترشيح

عدد النقاط : 10
السوق فوق is on a distinguished road



افتراضي

صح لسان الشاعر ،،

والله انه جاب العلم ،،

الاسهم بين تفكير وهوجاس === طول العمر والراس محتاس

هذا يزود وهذا به افلاس === ودبل فلوسك عام سبعة وعشرين

ويعطيك العافية ابو مدى








 
قديم 18-02-2006, 04:36 PM   #4
معلومات العضو





سهم نادر غير متواجد حالياً

أحصائية الترشيح

عدد النقاط : 10
سهم نادر is on a distinguished road



افتراضي

يعطيك الف عافيه على القصيده وصحييييييييييييح هرجة اللكيف ضاعت كل سوالف المجالس بالاسهم وعسى الله يكفيكم شرها ويعطيكم من خيرها انشالله








 
قديم 18-02-2006, 08:16 PM   #5
معلومات العضو





أمين غير متواجد حالياً

أحصائية الترشيح

عدد النقاط : 10
أمين is on a distinguished road



افتراضي

وابعد عن التعمير باكر تِحسِّب .................دبّل قروشك عام سبعه وعشرين
قصيدة ممتازة مشكورررررررررر تستحق 5000 سهم في التعمير








 
قديم 20-02-2006, 12:03 AM   #6
معلومات العضو





goodgood غير متواجد حالياً

أحصائية الترشيح

عدد النقاط : 10
goodgood is on a distinguished road



افتراضي

بارك الله فيك .








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
نصائح وفنون تجارة الاسهم عادل فهد   المواضيع المميزه 21 14-10-2007 08:48 PM
توصية بها نسب وليست نسبة خذ بها ستكسب الشيء الكثير من محب لكم جميعاً الوايلي الأسهـــم السعـــوديــــه 136 29-04-2006 10:34 PM
الأخبار الإقتصادية ليوم الثلاثاء 1/1/1427هـ نـت الأخبـار والإعلانـات الإقتصـاديـه 2 04-02-2006 03:44 PM
الأخبار الإقتصادية ليوم الأثنين 26-12-2005 نـت الأسهـــم السعـــوديــــه 4 31-12-2005 09:46 PM








الساعة الآن 07:30 PM.


Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.