يـوم كنـت ( صغيّّّـر ) يقولـون جنّـي

يـوم كنـت ( صغيّّّـر ) يقولـون جنّـي
ماخبـر واحـد علـى أمـي مااشتكانـي

كنـت مـوذي والـوذا مخلـوق مـنـي
كنـت أشقـى طفـل مولـود بزمـانـي

أتشـخّـص بـ الطاقـيّـه ياعـنّـنّـي
صرت أغازل واعرف أسلـوب الغوانـي

كـل بنـات الحـارة كانـن يعشقـنـي
ابتسام .. وهـنـد .. وأحلام .. وتهـانـي

من قبـل لا أقـول .. طيـري .! يلحقنـّي
ويحبشنّـي مـن قبـل لا أصـل مكانـي

كنـت بالحـاره مـن الطيـش احسبنـي
سندبـاد اللـي عـرف سّـر المـوانـي

كنت أوسوس بالشعر مـن صغـر سنـي
والمس جروحـي علـى شانـه وأعانـي

ليـن فـي مـرة وأنـا ماشـي وأغنـي
رايــح لـدكّـان عـدنـان اليمـانـي

مّّرنـي خنجـر غـلا عشـق وطعنـي
جايني من وين ؟ مدري بـس .. جانـي

وش تبون بقصتـي يخـرب مطنـي ..
مـا ضحـك غيـري علـيّ ولا بكانـي

اسمعـوا بـوح الحنيـن اللـي سكـنـي
واعذرونـي لا خـذل حرفـي لسـانـي

لا تعّـدون السـهـام الـلـي رمـنـي
وتسألوني ويـش كثـر عـوج المحانـي

احسبونـي طـفـل محـتـاج لتبـنـي
عـن حسدهـم حافـظ السبـع المثانـي

وازرعونـي بالعيـون الـلـي جفـنـي
واقطفوني مـن علـى خضـر المعانـي

اطعنـوا صـدر اليقيـن بسيـف ضنـي
واشربونـي دمّ لـو جـرحـه نسـانـي

اسمحـوا لـي بيـن ( قوسيـن ) التجنـي
آخـذ المجنـي عليـه بذنـب جـانـي

آآه منـه .. وااااه منكـم .. واااااه منـي
من نبش فيكم ورى الصمت وحكاني !! ؟؟

اييييييه . امـوت بدونـه وأحيـا كأنـي
عايـش بدونـي غيـاب انسـان ثانـي

والله انّـه بالـوهـم يــومنه حضـنـي
طيفه يصّدق ...!!! وأنا أذوب بحنانـي

أكذب الصدفـة .. وأصدقهـا .. واهنـي
واجرح الساعـة لأجـل خاطـر ثوانـي

واسألـوا بنهـايـة المـشـوار فـنـي
من وشم جرحي على صدور الأغانـي ؟

وعلموني ويـش يقـول الشعـر عنـي ؟
هو أخذ مـن حسرتـي؟ وإلا عطانـي !!

بلّغـوه .. إنـي تعبـت مـن التمـنـي
ولا لقيـت أريـح مـن أحـلام الأمانـي

وصدقونـي موغـرور إن قلـت انــي
مـا خلـق ربـي قصيـد إلا عشانـي

وسامحونـي بــس هالـمّـره لانــي
طحت مـن عقلـي علـى قمـة جنانـي

/
\
/

للشـاعر / خالد الردادي

رااااائع يسلموووو الاياااااادي

طاب منقولك ، قصيده رائعه بحجم حضورك

راقت ليّ....

مرررة تجنن ومؤثرة

ابيات جميله....سلمت الايادي اخوي على الانتقاء الراقي...

دمت بتلك الرووعه...