يعني حنا يا موظفين القطاع الخاص عيال البطة السودة

يعني حنا يا موظفين القطاع الخاص عيال البطة السودة .

ناقص بقولون لنا ... يا ايحة يا تلقيحة ياقزازة كلونيا بدون ريحة .

وإلا يصدر أمر : يسمح لموظفي القطاع الخاص بالتسول ولمدة شهرين ويبلغ أمرنا هذا لوحدة مكافحة التسول لاعتماده وتنفيذه.

قبل شوي يكلمني أخوي وحاس من صوته أن برطمه واصل سره ... ويقول يعني أنا واخوانك ما استفدنا شي من الاوامر .... لن للأسف كلنا شغالينا بالقطاع الخاص
ويقول اللي قاهرني أن عزوز البخيل ولد عمك راح يجيه راتبين اللي إذا دخل الريال جيبه يعفن ما يطلع .. ويقول مرة طلع من جيبه 500 ريال وألمح صورة الملك عبدالعزيز على الـ 500 واشوفه متلطم من العفانة

طبعاً أنا سويت فيها عاقل وقلت له : وأنا اخوك حنا بالقطاع الخاص لا نمثل الشريحة الكبرى من الموظفين والحمد لله النسبة الكبيرة من المواطنين استفادوا .. وبعدين القرار الوحيد اللي ما استفدنا منه الراتبين فقط لا غير البتة ... وباقي القرارات الوطن والمواطنين استفادوا منها ولا تخلي عزوز ولد عمك قاعدة ومثل للمواطن اللي راح يفيد اقتصاد الوطن .

وبعدين المفروض من الشركات الكبرى مثل سابك وارامكو والاتصالات والبنوك وشركة الكهرب على سبيل المثل يقومون بدورهم الوطني لو يوزعون مبلغ مقطوع لموظفينهم بحسب سلم الرواتب لديهم .

عموماً يا موظفين القطاع الخاص خليكم عشتو على اصدقائكم موظفين الحكومة وخلوهم هم اللي يباشرون ويحاسبون عنكم في المطاعم والمقاهي .. واشتغلوهم نق لمدة شهرين لين يكرهون شي اسمه راتبين مكافئة ولاء .

شباب اقسم بالله ان دمعتي نزلت فرح بهذه القرارات وحمدت الله كثيراً بعد نعمة الاسلام أن عبدالله بن عبدالعزيز هو ملكنا وقائد مسيرتنا ... يا اخوان الكلام اللي يطلع من القلب يوصل للقلب على طول ... ولأن أبو متعب كلامه دايماً طالع من قلبه فتجده يوصل لقلوب المواطنين .

اسأل الله العظيم ان يشفي خادم الحرمين الشريفين ويمد له في العمر مع اتمام الصحة والعافية عليه ويجعله كما عهدناه نصير للاسلام والمسلمين وحريص على راحة المواطنين .


__________________

بلادي وإن جارت عليَ عزيزة


وأهـلي وإن بخلوا عليَ كـراما
منقول .