القصيدة الأولى
يقول مشعان الهتيمي تفلهم
قاف رجس بين الضلوع المغاليق
ياونتي ونة ثلاث هلايم
من نسفهن خضر الجمام الدغاريق
سواقهن ( عبد ) مع الليل يجهم
وأنجح مصاخفهن بروس المساويق
قالوا هيم قلت الهيم حاله أسقم
وقالوا عليل وقلت مافي تبريق
وأنا لقيت دواء العليل المسقم
حب (الشفايا) اللي تذلهب لها الريق
خلي طواني طية الثوب أبو كم
وأنا طويته طي بير المرازيق
أثريك يا ثلاب رمحك مسهم
ولا يضرب إلا في النحر والمعاليق
أبو قرون يلحقن المحزم
يشرب بها العطشان مما بريريق
ليته سقاني من (شفاياه) ياعم
من ( مبسم ) ماشفته إلا تراميق
من مبسم يضفي عليه اللثيم
وتضفي عليه الفردة أم العشاريق
ريقه حلا من در بكر ترزم
ليا سلهمت لوليدها بالتفاهيق
ليا روحت من وادي فيه خمخم
وغير الشقاري نابت به زماليق
اللي طواني طي ثوب يخدم
ثوب يخدم بالسلوك اللوازيق
ليا جيت أنا وحبيبي إنتلايم
شد الشديد ونوهوا بالتفاريق
ماياصله ياكود هجن تدرهم
فج العضود معمر شات السماحيق
بنات عملي بعض لونه أسحم
يازين ذود أرقابهن بالخنانيق
القصيدة الثانية
يامن لقلب سج في مربعه لج
لجلاج أهل سوق تبيع الكساوي
لجة محال البيريوم يتدارج
تقبل وتقفي به ثلاث عداوي
سواقها (عبد) إليا قام ينهج
عبد حلال القوم ماهوب ياوي
عديت في عالي الطويل المدملج
في راس مرقاب يهيض الهواوي
وبدعت قاف فاهمه ماتعروج
وكل على قاف الهتيمي شفاوي
يشدي لدر اللي ولدها يدرج
إليا جات من نبت الشعيب الفراوي
إليا جات من واد بنبت النفل عج
وسقاه من نو الثريا مهاوي
واللّه لولا يوم أضيق أتهلج
لعوي عوى ذيب حدوه الشواوي
لعوي عوى ذيب على المرح دوج
وطاويه من قد له من الجوع طاوي
عليك ياراعي الجبين المدعج
ومبيسم يمصع ضمير الهواوي
ياعود ريحان عليه المدي دج
عليه عباب الركيه نحاوي
عليه عباب الركيه تسهرج
سهراج ركب مبعدين الهقاوي
وجدي عليهم وجد من طاح في العج
وتسابقوه موردين الأهاوي
والا وجود اللي رمنه ورافج
خلنه العيرات في الليل غاوي
يبي مكان الجيش والجيش قد هج
وظلا تصفقه الروابع خلاوي
مادونهم ياخريص من قاع أبلج
ومن سهلة فيها الأدام متخاوي
ماياصله ياكود حمرا من السج
باق عليها من شحمها شلاوي
مبرية الذرعان وعضودها فج
سهل قراها للرديف متساوي
ومن لامني في حبهم جعل يهدج
بمشلشل عوده طويل رهاوي
بمشلشل مافيه تكعيب وعوج
سمح القنامع ساقه الجب هاوي
القصيدة الثالثة
ضويت يوم البرد هب بضريبه * يوم الردي كنه على المرح مقهور
بغيت مرحــول الفريج اغديبه * وعيا نصيب الي كما قائد الحور
عيا نصيبي لا يبطــل نصيبه * واصبر لا جاني من الرب مقدور
وهي اطول من هذا وما زلت ابحثعنها.
القصيدة الرابعة هي يقول
بغيت اجوز من الهوى واترك الغي * لا كـــن ذكــرته علـــــيه منيرة
مرت علــــي ولا دريت انـــــها هي * الا بـعــد حـــلت علــيه الكسيرة
لديت فيـــها وشوشــت بـالـنظر في * مــــثل الفــرس لا شـوشت للمغيرة
يا هل المجـاوز كــــان عندكم شي * من شافها اصبح جايزاٍ من عشيرة
اما القصيدة الخامسة هي التي نسبت لشاعر غيره.
يا عظمي اللي طاح في الخنفريـه * ووحيت له في قاعة البير مضراب
خمخمت عظمي وانفلت من يديـه * قالوا بعيد وحال مـن دونه الـداب
ناديت ياالظفران وابطــوا عليـه * العِد طويلـــه والحــداديـر هيـاب
يازين شربه فيظـهـر عدوليـه * والا ليا وايقت في راس مرقـاب
والا لــيا كوعـت جنــب الوديـه * النجر له لعلاع والنـار صــــلاب
هذا ما حصلنا من بعض القبائل وهي تعرف بعض المعلومات عن مشعان الهتيمي وهو كثير الغزوات وبعض قصائدة لها قصص مع القبائل وغزواته عليهم في ذيك الحقبه .
اما والده هو عيد الهتيمي توفي قبل 150 سنه تقريبا وهوشاعر وشجاع وعقيد قومه هذا للمعلومية. ولا يعرف له الا قصيدة واحدة وهي مشهوره وهي غير مكتمله. يقول فيها
ليت الونا ما صاب رجلي وانا عيد *** يصيب رجــــــل الي تثنة قيونه
يصيب رجـــــــل مدورين المناقـيد *** الي الياجاء المدح مايذكرونه
أفرح الـــــيا كثرت علي الأطاريد *** مــا نيب لاش طايـر اتعيونه
تباشــــرو بركابكــم يــا الأولـــيد *** والي بقى من ربعكم تحترونه
وبالله التوفيق...
27-06-2010, 02:44 PM
اشعار/مشعان الهتيمي ووالده/ ليت الونا ما ماصاب رجلي وانا عيد 
المواضيع المتشابهه 
العرض العادي
