فنجـــــــال .. وعلوم رجال ..

**smoraa** · 18-04-2010, 01:46 PM

ebrahim al harbi · 18-04-2010, 02:10 PM

يا محلا المجلاس بارض خليه
في روضة فيها الخزامئ مزاهير

وهبت عليك النود تالي عشيه
وشربت فنجال ا لدلال المباهير

فنجال ما صبوه من زمزميه
ولا صلحنه راعيات المناكير

امصلحن في دلة شاذليه
من وارد الرسلان خلف الدناقير

وان سقت شوفك للرياض الفضيه
شفت الخزامئ والنفل والنواوير

والارض مثل الزل خضرا طريه
لا شفتها تزيل عنك التفاكير

لو راس مالك ما يجي خمسميه
كنه بجيبك خمس مية ملايين

فل الحجاج وخل عنك الهواجيس
كلن يموت وحاجتة ما قضاها

ebrahim al harbi · 21-04-2010, 11:28 AM

قال الشاعر/ هايس أبن مجلاد

قـم ســو مـايـصبــغ عـلى الصيـن ياذيـاب
بـــدلال يــشــــذن الـبــطــوط الـمـحــاديــب

وأحـمـس الـيــا مـن الـعـرق فـوقـهـن ذاب
وأسـتــدن مـايـجــمــع عـلـيـك الـشـواريــب

نـجـر يـصـبـح لـشـارب الـكـيــــف نــداب
طـقــه عـلـى طـــول الــدهـر بـالـمـواجـيب

الـيـا ذلـق فـنـجـالــهـــن كــنـــــه خـضـاب
ورس صبــغ بـكـفـوف بـيـض الـرعـابيـب

ebrahim al harbi · 24-04-2010, 11:39 AM

ويقول الشاعر دغيم الظلماوي من قبيلة شمر

ياكليب شب النار ياكليب شبه
عليك شبه والحطب لك ايجابي

وعلي انا ياكليب هيله وحبـه
وعليك تقليط الدلال النجابـي

**smoraa** · 24-04-2010, 06:56 PM

بعض العرب ,, في شبةالنار يحتار
يجي الشتا ويروح ما شـب نـاره

**smoraa** · 24-04-2010, 07:04 PM

ياما حلا عقب العصر ,, شبة النار
في مجلسٍ كل النشامـا يجونـه
يلفونه اكبارٍ ,, ويلفونه إصغـار
من طيب من هو فيـه ويقدرونـه
في بيت ماحطوا له آبواب وآسوار
ذراه من صوف الغنـم ينسجونـه
هذي طراة الروح لا صرت محتار
آخيِر من بيـتٍ هَلِـه يزلجونـه

**smoraa** · 24-04-2010, 07:08 PM

لا ضاق صدري قلت شبوا لي النار
سويت كيف مـا يسـوى مثيلـه
حمسـت بريـه وناديـت ببهـار
ماها قـراح جايبـه مـن ثميلـه

ebrahim al harbi · 25-04-2010, 11:12 AM

ما للصقر هيبه وحشمه ومقدار
ان كان ما يدمي صدور الحباري

ebrahim al harbi · 25-04-2010, 11:40 AM

البل عطايا الله طوال النسانيـس
حليبها أحلى من حليـب البقالـه

خلفن ليا جن والشمايل معابيـس
محلى حليب الخلفـه أم الشمالـه

ليا جن يبن أمراحهنه مشاميـس
تبغى المراح وحض منهي حلالـه

لاشافها الغافل تعوذ من ابليـس
ازمالتـن ياحيهـا مـن ازمالـه

ebrahim al harbi · 25-04-2010, 11:44 AM

يـاعـلـي شــب الــنــار يــاعــلـي شـبــه
لا راع ظــل مــشـمـــرخـــات الـهــضـــابـــي

وأرمـس بـهـا يـاعـلـي مـن جـرم خـبـه
وقـلـط بـهــا الـلـي مــثـــل عــنــق الـغـــرابــي

حـنـكـــــيــه مــا تـنـجـلـي لـــو نـــربـــــه
بـلـغــودهـــا تــلــقــا ســنـــا الــنــار صـــابــي

يـالــلـي تــــــقــول الــنــار كـــلا يــشــبـه
الـفــرق كــلـــه عــنــد لــيـــــن الـجـــنــــابـــي

**smoraa** · 25-04-2010, 10:28 PM

ياماحـــلا والنار يضـــوي لهبها ,, في فيضــة فيها الحيا مابعد شــيف

في خــــــيمة منصوبة في خببها ,, ودلال صـــفر ماشريته من الســيف

وشحنة سمر وإرطا من أرضه حطبها ,, النار عنوانه كروكي وتوصيف

وذبيــــــحة للضــيف لاجـــا ســـــحبها ,, ماحسب حسابه ولابه تحاسيف

هذا عـــــلاج النفس ســــاعة عطـبها ,, مابي المدينة بين عادم وتكييف

وصـــلاة ربي عــد ســــيل بشـــــعبها ,, وعداد مانبت الحيا وأزهر الريف

على النبي الهاشـــمي من عـــــربها ,, اللي صدع من دون كذب وتزييف

**smoraa** · 25-04-2010, 10:42 PM

يا ما حلا البر وأنسامه *** ينعش القلب ويجلي هوجاسه
ويا ما حلا منظر ربيعه وأزهاره *** تبهج مناظرها وتذهب أوجاعه
ويا زين جلسته ويا زين مجلاسه ***على ناعمات الرمل ولا على أعشابه
بهامات الشقيقه ولا سهول اليمامه *** بروضة التنهات أو الثمامه
حول ضواً من أطيب أحطابه *** رمث وأرطا وكسرة غضاته
وصفر الدلال مركدات على جنابه *** مبهراتً كلن على مزاجه
والتعاون مبدأ كل واحد وعنوانه *** مالهلب يور سلف عندنا مكانه
هذا ينزل وذا يحطب الاغصان اليباسه *** وهذا يطبخ وذا يفرش فراشه
وإذا سمرنا تسمر معنا الذيابه *** مزح خفيف وقصص وقصاده
مودعين الزعل من ركبة السياره *** ومتعوذين من إبليس وأعوانه
متجنبين الغيبه مالنا بفلان وفلانه *** و نكره كذب الكذاب وبهتانه
بوقت الجد نجيب الجد وأجداده *** ونصلي الفرض بأول أوقاته
وإذا مشينا كلن جمع قشاشه *** وتوكلنا على المولى جل شأنه
وختامها صلاة ربي وسلامه *** على نبينا محمد و الصحابه

**smoraa** · 26-04-2010, 08:05 PM

ebrahim al harbi · 27-04-2010, 12:28 PM

يا زين جمعتنا علـى شبـة النـار
نـارٍ سناهـا لــدلال المباهـيـر

امكرمـات وسطهـن بـن وبهـار
وسوالفٍ تطرب سمـوع المناعيـر

ناخذ لنا فالوقـت سجـة ومشـوار
بين الفياض اللي زهتها النواويـر

أرضٍ خـلا مـا داجهـا كـل دوارغير
الحباري واشقح الريم ماذيـر

تلقى جرايرهن مع الروض عبـار
زرق الغلب برق الظهور المخاميـر

هي منوة الي بالصقارة لهـم كـار
تشفق ضمايرهم على تلـة السيـر

لا حولوا في فيضـة كنهـا الطـار
وتكافخن بيض الدواغـر مياسيـر

ردوا علـى كـن وجـه لـيـا دار
وجه الغضيب اللي على علم وصغير

ليا انطلق ما كنه الـى يبـي ثـار
يسوق في سوق الخصيم التباشيـر

أفحج سراويله على الكـف نشـار
عينه كما وصف الشمالي سناكيـر

يهوي عليهن مثل قصاف الاعمـار
دابان ما عنـده مـراود وتأخيـر

إلى انطلق ما كنـه ألا يبـي ثـار
يسوق في شوف الخصيم التباشيـر

شقر الحرار اللي لها أفعال واذكـار
من ساس فارس وافيـاتٍ مغاتيـر

ebrahim al harbi · 27-04-2010, 12:40 PM

**smoraa** · 30-04-2010, 03:41 AM

**smoraa** · 30-04-2010, 03:49 AM

لا ضاق صدري رحت للبر حطاب وشبيت ناري في صحاري خلاها
وسط الفياض اللي بها أزهار وأعشاب ريح الخزامى فايح(ن) في مساها
استرجع الذكرى على رأس مرقاب وأرسم لقلبي صورة(ن) ما نساها
دنياك تلبس لك عبايه وجلباب وتخفي غدر سود الليال وجفاها
شفت القمر يوم اكتمل صار جذاب نور ليال(ن) مظلمه في سماها
ترى العمر مثل القمر طل ثم غاب أغنم حياتك لا تكدر صفاها
حافظ على الطاعه قبل يقفل الباب ثم يتبين صحها من خطاها
اليوم فعل الطيب راعيه ما خاب عند الرجال اللي بعيد(ن) مداها
الطيب يبقى يا فتى الجود لو شاب في شجرة(ن) سيل المكارم سقاها
والبيت ما يبنى بلا أوتاد وأطناب ومن لا بنى يسكن مذاري هواها

ebrahim al harbi · 02-05-2010, 11:21 AM

البارحه جفني بحلـو الكـرى عـاف
ودموع عيني مثـل وبـل الشخاتيـر

انحاس بالي يـوم ضيعـت عسـاف
اللي غدا يطـرد صفـوق المغاتيـر

اقفت به الربدا على الحـد بأطـراف
شمالـي البتـرا بعـرق المظاهـيـر

قمت اجدع الملواح في كل مشـراف
باح العـزا منـي ولاجانـي الطيـر

وانا على طيـري كثيـر التحسـاف
اللي يصخر هـارب الربـد تصخيـر

ومن سو حظي ضاع في وقت الأنكاف
ولا عاد من فرصـه نـرد المداويـر

ebrahim al harbi · 02-05-2010, 12:11 PM

أخذت من روحي لروحي نصايـح
ثلاث يرضن النفـوس الضياقـي

جمع الحطـب ومعلقـات الذبايـح

وحذف النشاما للغتـر والطواقـي

بقفرٍ خلا عشبه بالأزهـار فايـح

غصن الخزاما له بالآخر مراقـي

تلقى أم سالم بـه تجـر النوايـح
يطيب مع طير الربيـع التلاقـي

بين أربعة جدران مانيـب طايـح
قطع الخرايم جبّرت عظـم ساقـي

في نون عيني بارق الوسم لايـح
كن السحاب تسل فيهـا السناقـي

إن عوّدوا غـب المطـر للفلايـح
مانيـب فـلاحٍ يعـدّل سـواقـي

عـوّدت للـي يكسبـن المـدايـح
فيهن طرب قلبـي ولـذة مذاقـي

سود البكـار المكرمـات المنايـح
هاذي ضوت خلفة والأخرى ملاقي

ملحاً تباهـت بالصميـل يتمايـح
تركي على كبد الحسـود العراقـي

خلوني أقضي باقي العمـر سايـح
مـادام للعمـر المطـرّف بواقـي

أمشي تحت غر المزون الروايـح
هذا هـواي ورغبتـي واشتياقـي

يرتاح بالي يـوم أودّه وأصايـح
وأبسط فراشي في مبـارك نياقـي

أنحاش عن ناسٍ تسوي الفضايـح
عاشت بسوء أخلاق كذب ونفاقـي

نـاسٍ تسـرّد للمشاكـل شرايـح
تثير من بيـن الأخـوان الشقاقـي

كل الحياة أحـلام والعمـر رايـح
طرقي بها الدنيا وغيري طراقـي

للشاعر // خلف بن هذال

ebrahim al harbi · 02-05-2010, 12:16 PM

ياما حلا ياعيد في وقت الأسحار
جر الفراش وشب ضو المنـاره

مع دلةٍ تجذا على صالـي النـار
ونجرٍ ليا حـرّك تزايـد عبـاره

النجر دق وجـاذب كـل مـرار
ما لفه الملفوف من دون جـاره

في ربعةٍ ماهي تحجب عن الجار
لامن ولد اللاش ما شـب نـاره

وأخير منها ركعتيـنٍ بالأسحـار
لا طاب نوم اللي حياته خسـاره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نعمنم نعامه والا انعام	مازولا	الأسهـــم السعـــوديــــه	2	13-11-2009 03:48 PM
أجيك في نفسي سواليف وعلوم!!!	ليلى العامريه	الشعر وفنون الأدب العربي الأخرى	20	03-08-2008 09:28 PM
خذفنجال وعلوم رجال وعن السوق السبت ماذايقال؟	صقر11	الأسهـــم السعـــوديــــه	18	14-04-2006 09:29 PM
فنجال وعلوم رجال (الي يقدر يفيدناا في هذا السهم)	(غالي الاثمان)	الأسهـــم السعـــوديــــه	0	18-03-2006 07:09 PM
صبا ح الخير خذ فنجال وعلوم رجال وتوصيه	صقر11	الأسهـــم السعـــوديــــه	4	08-02-2006 12:16 PM