خطتي حسب فهمي البسيط لعالم الأسهم مع بعض ( للمبتدئين وارجوا النصيحه من المحترفين )

السلام عليكم ورحمه الله وبركاته


صراحه اعتبر هذا المنتدى من افضل المنتديات الي شاهدتها المختصه بعالم الأسهم هذا العالم المليئ بالفرص الجيده بأذن الله ..

انا بحسب معلوماتي عن عالم الأسهم ( ما دخلت هذا العالم الي الأن ) بس اطمح لذلك بعد العيد

خطتي بشكل سريع تتمحور حول دخولي للسوق بمبلغ 10,000 ريال ... وهذا على حد علمي اقل ما يمكن الدخول فيه

انا اتابع نصائح الأعضاء في مختلف المنتديات بس لاحظت انها لا تصب كثير في الأتجاه الي بمشي عليه وهو اتجاه (( المضاربه اليوميه ))

يعني انا ناوي ادخل السوق عن طريق خدمه الأنترنت لأنها افضل واسرع في عمليه البيع ... وكل الي اتوقعه في ظل انتعاش السوق الحالي اني انشالله بتكون لي عوائد جيده قد تختلف من يوم الي اخر وطبعا بيكون عندي سياسه اني ابيع لو السهم انخفض من البدايه عشان انتقل الي شركه اخرى قد اعوض بها خسارتي ...

انا عندي استفسار صغير .. الاحظ مرات انه توجد بعض الشركات خسرانه بيوم معين ... يعني المؤشر حقها احمر .. بس الاحظ ان اعلى سعر حققته هو اعلى من سعر الأفتتاح ريال ريالين ... الخ الخ هذا يعني اني استطيع ان اقلب الخساره لهذه الشركة الي ربح لي لو اني بعت في الوقت الي ارتفع السهم الي اعلى سقف له .. ؟ طبعا ناخذ بالاعتبار العامل النفسي يعني الواحد ما راح يكون يدري ان السهم بينزل ويحسب انه بيرتفع بس افضل حل بأعتقادي اني اضع حد للربح وللخسار حتى اتجنب المفاجئات .. ما رأيكم ؟

هل تنصحوني كمبتدئ اني اشتري من بدايه الأفتتاح يعني الساعه 10 ( لأن شغلي بيكون دائما بالصباح ) وانتظر السهم يرتفع الي حد معين ثم ابيع ولو ان السهم بدا ينخفض بسرعه وش المفروض اسوي هل ابيع واتجه لشركة اخرى ام انتظر مثلا غدا لعل وعسا ان يرتفع الي ما كان عليه ... ام فيه طرق افضل ؟

ايضا هل استخدام اموامر البيع والشراء في التداول عبر مواقع البنوك الي تقدم خدمه التداول امر سهل وينفذ بشكل فووري ... ؟

قرأءة مؤخرا في هذا المنتدى الرائع عن امر معين هو كميه العرض والطلب والسعر وما الي ذلك هل هذي الأمور مفيده لي بشكل كبير علما اني كما ذكرت بتبع اسلوب المضاربه اليوميه قد تكون بأختيارات عشوائية ولكن مدروسه يعني ما اخذ سهم شركة خسرانه ولا اخذ سهم بقطاع خسران له كذا يوم ... نقدر نسميه اختيار عشوائي مدروس :rolleyes:

بالنهاية هل الأمر بهذه البساطه ... ام ان الأمر معقد اكثر بكثير ... نصيحتكم ؟؟

.. دمتم في رعايه الله واتمنى ما ثقلت عليكم .. :)




مساهم مبتدئ

اسئلة جيدة بس ننتظر المحترفين يفيدونا

فهمت ماتقصده ولكن لابد ان يكون اقل مبلغ للدخول كمضارب يومي مئة الف ريال لكي تجني الربح المستهدف وهو على الاقل خمسمية ريال يوميا اما مبلغ العشرة الاف ريال فهي لاتجني من ورائها الا التعب مع العلم بانه بلزم للتعويض عند الخساره والخروج من شركه الى شركه للتعويض او في نفس الشركه وذللك يالشراء من تحت لابد ولابد ان يكون هنالك مبلغ للطوارئ يعني ادخل بنصف المبلغ والنصف الاخر احتياط للدخول وقت الحاجه اتمنى من كل اعماق قلبي ان اكون وضحت لك علما باني على عجالة من امري وسوف اوضح لاحقا بقية اسالتك وشكرا

شكرا لك مساهم مبتدئ على هذه الاسئلة الرائعة وشكرا لك اخ ابوفارس على الرد السريع الجيد على ما يبدو لي وننتظر المزيد .

عزيزي مساهم مبتدئ كل عام وانتم بخير ومن العايدين الفايزين
أما المضاربة فإذا كان معك مبلغ عليك تقسيمه الى ثلاثة اقسام قسم تضارب به يوميا وقسم لشراء اسهم عوائد وقسم للتعديل في حال الخسارة لا سمح الله.
وفي رأيي أن التداول عبر الانترنت اريح واسهل ويمكنك تنفيذ اوامرك بدون حاجة للذهاب للبنك سواء من البيت او المكتب او حتى السيارة عن طريق الجوال.
أما بالنسبة للشراء فأرى أن ليس له وقتا معينا ولكن عليك المتابعة اليومية، والشراء وقت النزول، ويمكنك مثلا وضع امر شراء وتركه لمدة يوا ايو يومين او اكثر وسينفذ لك متى انخفض سعر السهم للسعر الذي حددته، مع دعواتي لك بالتوفيق والربح الحلال.

مكسب ريال ريالين في الفين ماتكفي عمولة البنك.

ما فهمت شي ايش يعني صافي البيع-تكلفه الشراء

اخي D7oOom انا اعرف ان مؤسسة النقد تأ خذ 15 ريال على كل عشره الاف لكن عمولة البنك كم في المئه على البيع والشراء

كم نسبة عمولة البنك عند البيع والشراء وهل تدخل ضمن 15 ريال حقت مؤسسة النقد

مرحبا اخوى مبتدء والله ذكرتنى اول ما دشيت بالاسهم نفس المبلغ الى داش انت فيه الحين قبل خمس اسنين اخوى لا تشيل هم كم يا خذ عليك البنك اهم شى انك تفهم شلون السوق ماشى وبعدين اذا عرفت السوق ودهاليسه زيد المبلغ لضعف اقل شى
عشان توفى معاك الارباح وعلى العموم ما راح تصير مضارب ناجح الا اذا اتبعت الخطوات هذى
1- تشوف نشاط اشركه من ناحيت الرتفاع والانخفاض
2-تحسب الدع والمقاومه
3-لازم تجعل حد للخساره
4-لا تكون طماع 00 وهذى اهم نقطه00

أريد أن أعرف كيف طلعت سعر صافي السهم في المثال الأول 101.2

مشكور يا d7ooom
على هذه الدقه المتناهيه فى العرض بس أعتقد كده أنك يأست المضارب من جدوى المضاربه