تبسم

تبسم واترك جروحك على جنب الزمن وارتاح
حرام تطيح من عينك على شان الزمن دمعـه
أنا برجوك لاتزعل ولاتزيد الجـراح جـراح
تبسم واترك جروحك على شانـي بلارجعـه
أنا أدري صعب لو تنسى ولاكن الأمل ماراح
ولو راح الأمل يبقى في تالي من الألم متعـه
أبيك أقوى من عنادي ولو جاك الكلام رمـاح
وأبي تشعل من جنونك على طاري الغلا شمعه
وأبي تذكر ليالينـا ليالـي شوقنـا الفضٌـاح
وأبي تسهر على شاني وتذكر ليلـة الجمعـه
أبي تذكر إلى منه كمـل بـدر الجنـون ولاح
أجي وتسابق جنوني خطاوي شوقي السرعـه
كأن الروح بغيابـك بقايـا ساكنيهـا اشبـاح
وكأن القلب من بعدك غريق ويطلب الفزعـه
أحبك والغلا يترجم جنونـي والغـلا ذبـاح
غرامً يكشف شعور الجنون ومسألـة وضعـه
كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه
أبيك أقوى من جروحك تحدى هالزمن وارتاح
لأن الدنيا ماتسوى على شان الزعـل دمعـه

أنا أدري صعب لو تنسى ولاكن الأمل ماراح
ولو راح الأمل يبقى في تالي من الألم متعـه
مشكورالله يعطيك العافيه