بورصة الاسهم السعودية




استرجاع كلمة المرور المفقودة طلب كود تنشيط العضوية تنشيط العضوية أنظمة المنتدى
العودة   بورصة الاسهم السعودية > المنتدى الرئيسي > الأسهـــم السعـــوديــــه
الأسهـــم السعـــوديــــه   النقاش والمتابعه لوضع سوق الأسهم و هيئة سوق المال وشركات السوق ووسطاء التداول



حوار شيق مع ابلة مزنة

موضوع مغلق
 
LinkBack أدوات الموضوع انواع عرض الموضوع
قديم 04-07-2005, 04:21 PM   #1
معلومات العضو





emso50 غير متواجد حالياً

أحصائية الترشيح

عدد النقاط : 10
emso50 is on a distinguished road



افتراضي حوار شيق مع ابلة مزنة

كتبت هذه المشاركه بتاريخ [ قديم 04-07-2005, 04:21 PM ]
عزيزي القارئ : تذكر أنْ ماتقرأُه يمثل وجهة نظر كاتبهِ فقط ، وتعوّد دائماً على إتخاذ قرارك بعد مزيد من التفكير والتحليل لما تقرأهُ

ابلة مزنة

فجأة وبدون سابق إنذار أو توقع رن جوالي (( الرهيب موديل 2007 )) حيث أن هذا الجهاز لم يصل للأسواق بعد ويقال انه لم يصنع منه سوى جهازين فقط واحد طب عندي والثاني عند السائق الخاص لسعادة رئيس مجلس إدارة نوكيا الهولندية ( هي طبعا فنلندية ) ولكن بقدرة قادر شفطت من قبل عصابة هولندية متخصصة في بلع الشركات الكبيرة في عز الظلام . وإذا بالمتصل إنسانة عزيزة تدعى ابلة مزنة وبدون مقدمات أو سلام وإذا بها تهاجمني وتقول لي " ياقصيف المروة يللي ما يتمر فيك خسارة تربيتي فيك ، قلت لها عفوا يا ابلتي خير انأ غلطت في إيه لا سمح الله " قالت ما دام انك بتكتب عن هذه الأسهم وبتفهم فيها ليه ما تقوللي وتخللي الهوامير يتناتشوني يمين شمال . قلت لها عفوا يا ابلتي أول نسلم ونتعاتب وبعدين أقولك عن الأسهم في الأول كيف أخبارك وفين الغيبة قالت والله الحمد لله نحنا موجودين اللي يسأل يعرف قلت لها معاك حق يا ابلتي بس انتم ما سألتوا كمان يعني التقصير مو مننا بس قالت كيف انأ ما سألت ياواد . انأ سويت من الدرب عشرة قبل سنتين ادور عليكم عشان موضوع ولد بنتي لينا هدا اللي يسمه معتوق وأنا ما اقوله اللي معتوه دايما مسويلي زي الدراويش ونياتي . قلت لها خير ايش فيه عم معتوق قالت مسكين ياعيني حولوه على التقاعد وسعينالوا عند اهل الخير يمددوا له قالوا ما يسمح النظام لأنو هذا تاني تمديد . لكن مادادري كيف يا ولدي صاحبه ورفيق دربه صالح جالوا تمديد تالت بالك الراجل اخوه سواق الوزير وياعيني المعاش اللي يجي له يادوبك يسدد الجوالات حقت بزورتو ومرتواللي مافي قلوبهم رحمة الله يكون في عونه . لكن خلينا نرجع لموضوعنا ايش حكاية الأسهم معاك وايش فهمك فيها وايش حكاية اسمك دا اللي انت متمسمي بيه . قلت أبدا والله ياابلة انأ بديت موضوع الأسهم هذه وأنا عمري 12 سنة لما كنت أبيع لعيال الحارة النبابيل والأسهم وفيه كثير منهم ما شاء الله عليهم صاروا مساهمين كبار وأبشرك منهم أساتذة في الاناليزيس (( التحليل )) بأنواعه التكنيكال ( الفني ) والفندمينتال ( الاساسي ) ويجيبوا اخبار ولهم مصادر وعلاقات مع الهوامير واجي انا استضعف لهم واخذ منهم الأخبار والأسهم اللي رايحة تطلع ولا تنزل وكيف رايح السوق فوق ولا تحت واجي واسوي فيها ابو العريف وادب الكلام . وعشان تعرفي الناس لما تاخذ الكلام ويطلع صح لا منك ولا اليك بس يجي السوق شمال خدي سب ودعا ينشف الدم في العروق قلت يا واد شوفلك اسم افرنجي اتذكرت بعدين اسم الدلع حقي اللي كانوا اولاد الحارة يسموني بي " امسو " . قالت أي والله افتكرت الكلمة دي عشانك كنت دايما تقولهم امسو نلعب سوا (( طبعا مو سوا اللي بالي بالكم لحد يحسني من هوامير سوا ) )
قالت لي طيب هات المفيد ايش عندك أسهم تقوللي عنها قلت لها يا ابلة أعفيني انتي عارفة السوق مدردب اليومين هادي وكنت ناوي انزل توصيات اسمها الخلطة السرية وسرها ما اخبيه عنك انتي مو غريبة ومتأكد انك ما حتنافسيني في الكتابة وتاخدي محلي . قالت يووه ترى مرارتي انفقعت منك قول وخلصني قلت لها انا كنت ناوي انزل بالتوصيات هديك بالجملة وكنت فاكر اننا في موسم بس الله يجازيهم الهوامير معكننين شوية وجالسين لنا ركبة ونص والشاطر يقول عن سهم طالع يخسفوه والا يقول هذا السهم خلاص نازل بيعوه ما تشوفيهم الا مخللينه فوق السطوح.
وخطتي الجديدة في التوصية هي انك تشتري في كل الأسهم لازم واحد فيها يطلع واستني الباقي اللين ربنا يفرجها لكن طبعا مو هادا الوقت انا شايف السوق ما يطمن كمان اسبوع . قالت هاه صار كده طيب أشوفك بخير وسلم على اهلك وأنسى إني كلمتك . ولم تنتظر مني أي تعقيب وحاولت الاتصال بها لاعتذر لكن اعتقد أنها غيرت الرقم فورا .







لحفظ الموضوع والإستفاده منه إستخدم هذا الرابط :
حوار شيق مع ابلة مزنة
http://www.sahmy.com/t17904.html


 



Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.3.0 ©2009, Crawlability, Inc.