دامكم مسكتو ابو يزيد بقولكم اشلون اتخيله . اتخيله ضخم ابيض عصبي مره يحاول يكون هادي بس ماش
واتخيله بيوم من الايام من المشاكل الي يلاقيها بالمنتدى ينزل لنا الموضوع التالي شوفوه وقولو ممكن يسويها ؟
هذىالشروط من المشرف العام
~~~~~~~~~~~~~~~~~~~~~~~~~~
أتمنى من الجميع قرأتها كامله
لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة
اعرفوا الشروط زين....وافهموها....واللي ما يبي هالشروط جعل اصبيعاته اللي طقت على الكيبورد
للكسر...ولو ما عليه كلافه يطق راسه باقرب جدار....حنا مانلعب....واللي يبينا حياه الله
بيننا"
فهمتوا
بما ان هذا الموقع موقعي لحالي لاباركالله فيكم وفي الساعة اللي فتحت لكم هالموقع....فاللي
يبي يسجل معنا يوافق على الشروط من ورى خشمه ....والشروط هي... :
1-
اللي يسب اي واحد من الاعضاء نبي نجيه وبنربط حواجبه في صدامات الهايلكس وبنروح ونطعس فيه باقرب طعس...همني قايلكم حنا ما نلعب
2-
لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرء وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرء.....
3-
اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجرادوابرقي فيه على ارتفاع 50000 الف قدم وابجدعه على خوص نخله...علشان ما يتعود لها
4-
انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتواولا افهمكم...
5-
الساحه الرياضيه لكم ثنتين...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل ؟؟
6-
مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحناحرين فيها
7-
ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر ؟...ليه ما سموها كلمةخشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها .
8-
اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علاباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين مايقول....اشهد ان الددسن سياره...اقول لا تكثر بربستكم يا هوووه....وش هالمسكه الغلط.....همني قايلكم ما نلعب...
9-
قريتوا الشروط........هاه عجبتكم....فهمتوها...طيب ما عندناتسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذافيه خير يقابلني وين ما بغى عند الصمان ولا ديراب ولا بالشرقيه ولا باي محل....
10-
كلنا عيال قريه وكلن يعرف خيه...
11-
همني قايلكم حنا ما نلعب
الان اسماء المنتديات بعد التعديل :-
*
منتدى شخبط وخمبق ترى محد لمك.....منتدى الاسهم سابقا
*
منتدى مواضيع مهناش احد.....منتدى الشريعه سابقا
*
منتدى معاهم معاهم عليهم عليهم....المنتدى الرياضي سابقا
*
منتدى ياهلال ياهلال كخ كخ....منتدى الهلاليين سابقا
*
منتدى كن صديقي.....منتدى المواضيع المتميزه
بالنسبه للبريد ان شاء الله في السنه الجايه زي هالحزه ما حناحاطينه كخخخخخخخخخخخ....ماعندنا
بالنسبه للمحادثات....تسان ودكم نسوي لنا طلعة بر على الطبيعه ازين...
ملاحظه......
اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم
*** موافق
***غير موافق
16-08-2007, 02:14 AM
المواضيع المتشابهه 
وماجد Z حليوه وابيض ويحب التفلسف
وابن الشمال ابيض وانفه طويل وله دقه شنه الزين وقلبه مفتوح للجميع
العرض العادي
