حينما زعل علي الامير وقرر طردي من مجلسه بحضور التويجري والعساف

@



@



:basmala:




كنت قاعد وماعندي من الشيطان طاري



قلت ياولد ليه ماتروح وتاخذ العلم من اصحاب العلم


بخصوص نزول السوق وانهيار فبراير اللعين .


ركبت السياره ووينك ياتويجري وينك ياتويجري وينك وبعد ضياع

بشوراع الرياض خبركم غشيم وماعرف شيء شوي وأشوف مقر هيئة إضاعه المال

ووقف السياره وانزل .


سألت عن التويجري قالوا بجتماع قلت ابيــــــــه بأمر عاجل قالوا ياخي ماتفهم

نقولك بجتماع مع معالــــــــيــــــــــــــه قلت بلا معاليــــــــــه بلا بطيخ قولوا لـــــه الذيب بالقليب


هاذي كلمـــــــة السر راحوا يمــــــه الرجال قالوا فيه واحد يبيك ويقول الذيب بالقليب .


دقايق وهو يجيني اكا الشاب المزركش أي انيق الملابس حسن المظهر

قال تفضل قلت إنت من إنت قال أنا مدير مكتبه .

وادخل على التويجري بعد عناء استمر شهور

السلام عليك قال عليكم السلام

وهو من شاف شكلي قال هذا من المنتفين اللي نتفتهم

منتفـــــــة الدجاج قال أخلص وش عندك قلت ياخوي خلن استريح اطلب شاهي

قهوه عصير على الاقل ياخوي انا بعيد خطوه وجاي يمك ابي العلم منك


قال غثيتونا وش عندك وش تبي قلت يابن الحلال إنت وش مزعلك قال باقي على السوق

نصف ساعه ويفتتح قلت خير ياطير قال وش خير ياطير اقول لك السوق باقي عليه نصف ساعه

ويفتتح قلت ياخي النظام مايسمح لك تتداول ضحك ضحكه بزعل هع هع هع

قلت اسمع انا جاي وابيك تعطيني العلم يافوق ياتحت .

قال وش الي فوق وتحت قلت يعني ماتدري قال وش عنــــــه

__ زعلت انا بتهميشـــــــــه لي قلت إسمع الكلام اللي يجمد على الشارب


طلعن عيونه من الخرعــــــــه وقال وش تبي . وش عندك قلت شف ياتويجري

إما تقول لي الآن وبدون تأخير ليـــــــه وقفت انعام وبيشـــــــــه يامل الغنيمـــــــه

قال انعام خسرانه وبيشــــــته كذلك قلت طيب ياصار تدري إن انعام خسرانه

وش سبب الخساير قال مادري قلت ديب من هو اللي يدري قال رؤساء مجلس ادارة الشركات

قلت من خبري والمكيرش سابقا تبيع على الحجاج اضاحي

وقيمـــــــه الضحيـــــــــه ب350 ريال ويبيعون 2مليون رأس على الاقل هذا بس بموسم الاضاحي

وهم يشترون الاسترالي الرأس ب75 ريال الى 100ريال

يعني بحسبــــــــه بسيطــــــــه 2000000رأس اضحيه بالسنه * 350 ريال = 700مليون ريال


هذا بس بموسم الاضحيــــــــه من غير مشاء الله الاعياد والمناسبات وغيرها ومشاريع المكيرش

وين تروح هالفلوس هاذي قال والله ماندري عن شيء حنا أهم شيء الميزانيه السنويه للشركه

ياخسرانه ولا رابحانه قلت يعني والتحقيق ماتسألون عن اسباب الخسائر قال يقولون

ارتفاع تكاليف التشغيل قلت أي تكاليف أي بطيخ ي مشمش

طيب ياصار رؤساء مجلس الادارة واعضاء مجالس الشركات هم اللي يتلاعبون بالمال

يوم إنك توقف السهم عن التداول ليــــــــــه .

قال اوقنا الشركتين للتحقيق .

قلت إنت تدري أن شغلك هذا كله بربســــــــه ببربســــــــه زعل الرجال وبغا يطردني من مكتبــــــه

قلت اسمع انا ماني ببيتك يوم تطردني من مكاني وثاني شيء أنا المحامي المسؤؤل

ولدي وكالات مطالبــــــــه بحق ملاك السهمين .

وانا والله اني قلت من عندي كذبــــــــه ابريل على قولتهم.

قال وش تبي بالضبط قلت اسمع اللي يتلاعب تخليــــــــــه يلعب على كيفــــــه

يوم إنك تدري إن رؤساء مجالس ادارات الشركات هم اللي يتلاعبون باموال المساهمين

وش دخل السهم يوم توقفه وانت تعلم أن صغار المساهمين هم من تورط باسهم الشركات


والدليل نسبه انعام قبل الاقفال للتصريف بعد تصريح الامير ليــــــــه ماتحاسب

رؤساء مجالس الادرات بعيدا عن الاضرار بمتداولي سهم الشركــــــــه

كلمتن مني وكلمتن منه وزعل مني وزعل منه وضحك مني وضحكتن منه مع انه لايضحك وكاشرن وجهه

_ قلت لــــــه إسمع ياتويجري كان إنك تبي تبري ذمتك أمام الله وخلقــــــــــه وامام المستثمرين


قال إيوالله تقفا والله إنهم ذبحوني بالمداعي علي وعلى عيالي قلت لانك إنت السبب قال عطني الحل

ابي الفكـــــــه منهم

قلت العلم عندي وانا ابو هندي قال وشو

قلت خبر واحد من الهيئـــــــــه الا وهو .قال وشو قلت اصبر شوي قال عجل علي قلت خذ

تعلن هيئة سوق المال أنه بناء على دراستها لتصحيح اوضاع الشركات الماليه المساهمه المدرجــــه بالسوق

فقد تم اعطاء الشركات المتعثره مهلـــــــــه سنتين لتصحيح اوضاعها الماليه وانها إذا تعلن ذلك

لعموم المساهمين وملاك الشركات المتعثره أنها بعد انقضاء المهله المحدده ليست مسؤله عن اي قرار

سيصدر منها بحق أي شركــــــــه لم تبين أو تتخذ قرار ات تصب بمصلحة استمرار الشركـه او حلها.


والسلام ختام ياتويجري .

قلت بعد هذا الخبر راح الكل يعرف الطريق الصحيح وانت بالخبر هاذي راح تعرف رئيس مجالس الشركات

من يريد ان يعمل ويحول شركته من منطقه الخسائر الى الارباح ..

___________

طلعت من التويجري وين اروح وين اروح شوي وانا أمر ببرج المملكــــــــه

قلت ياولد نبي نمر على ابو خالد ناخذ فنجال مع الضحى . شوي وانا موقف السياره عند

مدخل المملكه القابضـــــــــته ..

سلام عليكم

يمار فيه ضابط واقف على المدخل وانا أمر من عنده

دعاني وقال ياطيب يالحبيب يالطيب

وانا التفت يمــــــه قلت وش تبي قال يالطيب الدخول ممنوع


قلت الطيب مات

قال اقول لك الدخول ممنوع قلت ماني مشاورك

قال وش عندك قلت والله ابد بس جاي ابسلم على ابو خالد وباخذ آخر اخباره

قلت تعرفـــــــــه قلت كيف ماعرفـــــــه الا اعرف إثره مع الارض .

ويجيني اكا الواحد قال وش عنده هذا قال يبي يقابل ابو خالد

قال وبصفتــــــــه من هو

وانا رجال عجول قلت بصفتي أحد ضحايا تصريحـــــاته على شاشه العربيـــــــه


دخلت يمــــــه بعد طول انتظار وشد وجذب



قال عليكم السلام ورحمة الله وبركاته

وانا اجلس قال خير

قلت من وين يجي الخير

قال ليه عسى ماشر قلت ابدا والله

بس أنا ضحيــــــــه قال ضحيـــــــــة من

قلت ضحية تصريحاتك على شاشة العربيه

ضحك هههههههه


قال لايكون دخلت يوم انا اصرح والمؤشر 14000نقطــــــــه

قلت لا مادخلت لاني متعلق سابقا بس دخلت بتوالي مالي بعد تصريحك

انك بتدعم المؤشر ب10 ملياااااااار ريال

قال وانت صدقت قلت ايوالله صدقت .

قال انا يوم اصرح كنت ناوي اصيد الهوامير

الجدد بالدخول خبرك وزير الماليه النسيب الآن


لابني خالد قلت وش دخل هذا بهذا قال اللي له دخل

وش معرفك انت .

الله يزيد بنا جهاله قال وزير الماليه يتحكم بصناديق التقاعد والتامينات

بقرار منه . وأنا والله إني ناوي انافس بيل غيتس اغنى رجل بالعالم

وراح ادبل راس مالي ال76 ملياااااااار راح يصبحن 152مليااااااار ريال

قلت وش لون قال راح تشوف بعينك بس اصبر من الآن الى 9 شهور بالكثير


وراح تعرف إن الذيب مايهرول عبث .

قلت طيب ليه تصرح إنك دخلت

قال لانني اخشى الشيخ مشعان الخالد ولبني العليان أن يسبقوني

والراجحي وغيرهم الكثير أن يسبقوني ويجمعون لذلك أنا اوهمت الجميع

والمؤشر 13000 اني دعمت المؤشر ودخلوا هؤلاء كمصيده

والآن جرفهم التيار واولهم لبني العليان بسهم العقرباااااااء ههههههههه

متورطــــــــــه وكل ماتبي تحرك السهم دقيت على النسيب وقلت خلو صناديق التقاعد ترش السهم

وتركع المؤشر حتى اشبع تجميع بالاسهم اللي اريد .

واذ اقتربت ساعه الانطلاق راح تكون بقياد ة العقرباااااااء

ويم طلبته سهم تدبيلـــــــــه أمر بطردي من مكتبــــــــــه

يعطيك العافية


كل شي جايز

الرجال باقي ميت والا حي

فقير ومنتف بيض الله وجهك تجيب العلم خل ماراح زمن جاء علومك كلها تبيض الوجه

ياعمري انت ورا ما مريت علي ونصير فزعه
يعطيك الف عافيه
من كثر ما اندمجت بالموضوع صدقته

خطير وطبيب يا فقير

رعاك الله وتقبل تحياتى

كان الله في عون الجميع ,,,,,,,,,,اللهم اغغرلي ولوالدي وللمسلمين والمسلمات

قصة الف انهيار وانهيار بطولة ليلى مراد سوف يعرض في رمضان القادم

ههههههههههههه
ما كان سالته في اي الاسهم يجمع علشان نجمع معاه

الله كريم

الله يجزاك خير

فقير ومنتف

ممكن ............

والله أنك مبدع في الكلام مع معالي الوزير ومع الأمير

يامشعان الخالدي.......... الي فجرتوا روسنا به
عموما موهبة ممتازة جدا........... الله يوفقك ...............

وصلت المعلومه بارك الله فيك

اضحك الله سنك

بالسطر الاخير يوم طلبت منه توصيه امر بطردي من مكتبه