مو عارفه كيف ابيع واشتري بالاسهم

السلام عليكم

انا عضوه جديده في المنتدي وهذى اول مشاركه لي

وهي سؤال بالاصل مو مشاركه

اناابغى اكتتب في اتحاد الاتصالات بس مو عارفه من الاكتتاب والاسهم الا رؤس اقلام بس وغير كذا مو عارفه شى بالمره وعندي خمسه الف ابغى اكتتب فيهم مابغى ادخل باكثر ولا اقل ( ابغاهم زي التجربه اذا فهمت اوكى اذا مافهمت وضاعت الله يعوض ) سمعت انه لازم اول افتح محفظه استثماريه ب100 الف ريال ؟؟؟؟؟؟ طيب كل الي عندي خمسه الف مو معقول افتح محفظه ب100 الف وراس المال 5الف هذى اول عقبه

ثانى شى سمعت انه ماراح يعطون كل واحد الا عدد بسيط من الاسهم 10 اسهم او اقل طيب كذا ماراح يكون في ربح؟؟؟؟ عشره اسهم ايش تجيب؟؟


ثالث شى والاهم انى مو فاهمه الطريقه كيف ومو عارفه كيف ابيع واشتري :confused: :confused:
قصدي لماادخل السوق يعنى اخر شى طلعت محفظه تداول وحولت المبلغ الي ابغى اكتتب فيه من حسابي للمحفظه وبعدين ادخل النت وادخل موقع تداول الاسهم >>>>>> من هنا مو فاهمه يعنى اقعد اراقب سهمى واذا ارتفع ابيع على طول؟؟ بس اراقب اسهمى احس شى سهل مره؟؟؟؟؟؟ طيب واذا بعت ابيع كل الاسهم حق الاتصالات بكذا ماراح يكون معايا اسهم ؟؟؟؟ اشتري اسهم غيرهم؟ طيب لازم اشتري وابيع كل يوم؟؟

واسئله كثير غيرها مع انى دورت في المنتدي ومنتديات كثيره بس مالقيت جواب عليهم معظم الاجوبه تتعامل مع المشترك كان عنده خلفيه ولو 1% انا عن نفسى ماعندي حتى 0%


اخر شى المعذره اذا كانت اسئلتى كثيره بس اتمنىاحد يجاوبنى عليها لانى فعلا مو فاهمه والله يجزاكم خير

السلام عليكمورحمة الله وبركاته
النصيحة تتلخص فيما يلي
إن كان لديك أحد من أقاربك أو معارفك لديه محفظة في سوق الاسهم أعطه الـ 5000 ريال ليكتتب باسمه في اتحاد التصالات ثم بعد ذلك يعيد لك لمبلغ مع أرباحه إن شاء الله أما باقي المواضع الأخرى تحتاج إلى فترة ليست بالقليلة للتعرف على كل ذلك ونحن في خدمتك أختتا العزيزة"

تسلم اخوي نور القمر على ردك رغم انه محبط شوي


ياريت لو احد عنده رد يضيفه

مع التحية وبالنسبة للاكتتاب في الاتصالات لا يشترط فتح محفظة وانما يمكن زيارة اي فرع ودفع المبلغ... المحفظة هي للتداول عبر الانترنت(50ألف) والله اعلم

اعتقد ومعلوماتي مثلك بسيطه انه فيه فرق بين ( الاكتتاب ) وبين ( التداول .) ..... وحسب معلوماتي المتواضعه ان اسهم الشركه سوف تطرح للاكتتاب فقط في 2/9/1425هــ يعني بمقدورك ان تشتري اسهم بــ ( 5000 ) ومو ضروري يكون عندك محفظه اسهم اللي تقولي ان سعرها( 100000 .) .. ولكن في حال تم السماح مستقبلا في تداول اسهم الشركة فما تقدري تضاربي بالاسم سواء بيع او شراء الا يكون عندك محفظه وسعرها اعتقد عشرة الالف ريال فقط ... والله اعلم
ارجوا من الاخوان تصيحيح معلوماتي

يا أختي ما يحتاجلك محفظة عشان الإكتتاب

التداول هو إلي يحتاج له محفظة وللمعلومية لو عندك أسهم مهما كان عددها فبإمكانك فتح محفظة في بنك الأمريكي

وتتداولين عن طريق النت.....

ملاحظة أختي إذا تبين تحصلين على أسهم كاملة بـ5000ريال إلي معك ما عليك إلي تجمعين 10 أشخاص وتشترين بأسمائهم أسهم بمعدل 10 أسهم لكل فرد بقيمة500ريال وانا أضمن لك تحصلين على 100 سهم

وقيمة السهم المتوقع لإتحاد الإتصالات عند نزولة للتداول بعد عيد الفطر 250 ريال والخبراء يتوقعون تجاوزة لـ350 ريال خلال 6 أشهر من بدايت التداول يعني لو بعت السهم بالميت بـ250 ريال راح تكسبين خمسة أضعاف المبلغ إلي معك

100سهم * 250 ريال = 25000 ريال مبلغ مغري في فترة قصيرة جداً

وبالتوفيق لنا ولك

حكمة الغد= بحري + أمنتايت


ما أدري ليش مو مقتنع بالمكيرش

هامور المستقبل اسير النت أبو عبدالرحمن


شكرا على مروركم والرد

اخوي عبدالرحمن ايش الفرق بين الاكتتاب والتداول ومين الافضل؟وهل اقدر ابيع السهم في حاله الاكتتاب ولابس التداول

ممكن يعطون 20 في %

اخوي عبدالرحمن ايش الفرق بين الاكتتاب والتداول ومين الافضل؟وهل اقدر ابيع السهم في حاله الاكتتاب ولابس التداول


>

<


الاكتتاب بدأ امس

ان شاء الله رحتي البنك وشريتي الاسهم .. وماله دخل بالمحفظه ولا التداول ( هذي شي ثاني )


التداول في الاسهم : لازم يكون عندك محفظه

والمحفظه لازم يكون عندك حساب في البنك

وكل بنك يشترط مبلغ معين

الامريكي مثلا ً يطلب يكون عندك ( خمسين الف ريال او اكثر ) في الحساب عشان فتح المحفظه

ثم تبدأين في عملية بيع وشراء الاسهم بمختلف انواعها


والامر بسيط وخيتي

يا شباب أنا توني جديد على السوق الاسهم.
أمس دخلت السوق بأربعين سهم في " الاتحاد"
أبي نصيحتكم يأخوان.

شباب في مداخلة بسيطة لو سمحتولي

1- التداول ربح مضمون فقط في حال الحصول على العدد المطلوب من الاسهم
2- تداول النت يتطلب محفظة تداول وهي مختلفة عن محفظة الاكتتاب حيث تكون الشبكة متأخرة عن السوق من 5-7 دقائق
3- انا شخصياَ متفائل بسهم المجموعة السعودية ما ادري ليش بس الطير الاخضر قال لي

اي طير اخضر
ليش انت في جزر الواق واق

بالنسبه للإكتتاب في إتحاد الاتصالات فأنا أظن إن الشخص الواحد يادوب يطلع له 7 أو 8 أسهم
هذا إذا ماتجاوز عدد المكتتبين 3مليون مكتتب بس إذا تجاوزها راح يطلع أقل من 7أسهم للشخص
والله يعوضنا جميعاً خيراً منها....

تحياتي للجميع اسمحو لي اقول الي عندي
اول الاكتتاب ما يحتاج اي شي غير زياره فرع البنك والبنك يسوي كل شي
بنسبه للمحظه البنك يسوي لك دايركت وعن طريقه تبع السهم بالتلفون او عن طريق الفرع
بنسبه للانترنت هذي لها وضع ثاني هو انك تفتك حساب جاري في البنك وبعد كذا تطلب محفضه استثماريه وهذا ياخذ 3 ايام لاول مره ليتم تسجيل اسمك في وزاره الماليه
وبعد كذا تتجه للفرع الرئيسي وتطلب التداول عن طريق الانترنت ب_500 سنويا يضاف لها نسبه البنك من كل عمليه شراء او بيع 15 في الالف
بس الانترنت تتاخر الاسعار 5 دقايق عن الشاشه في البنك
وهذا الي عندي واتمنى اكون قدرت اوضح شي قد تجهلونه
هذا والله يعلم والله يحفظكم ويرعاكم مع تحياتي
د

كل عام وأنتم بخير

من العايدين من الفايزين