ياريت ماتخيبون ظني للاهميه..؟

مساء الخير
ياشباب بليز تردون علي بشرح تفصيلي للاهميه

انا اخوكم من دوله خليجيه وعندي ارتياح للاسهم السعوديه وودي ادش مجالها
لكن في بعض الامور تخفي علي.........؟
واتمنى من الله ثم منكم توضيحها والله يجعلها في ميزان اعمالكم يوم تلقونه

اولا....... راح اقولكم بعض المعلومات اللي فهمتها واذا كانت غلط صححوها واذا صح قولولي

اذا بغيت افتح حساب تداول بالاسهم السعوديه اروح لبنك سامبا لانه افضل تداول على مااظن

يطلب مني مبلغ وقدره من 500 الى 1000 عدل وهو قيمة فتح حساب للتداول غير مسترجع صح

ثانيا
افتح حساب جاري واضع فيه مبلغ 5000 ريال وحساب استثماري واضع فيه 5000 ريال
صح واذا كان صح شنو وظيفة الحسابين وبماذا يخدومني اذا بدات التداول ((( وهل مبلغ ال 5000 ريال الذي موجود بالاستثماري هو الذي اقدر اشتري وابيع فيه بالاسهم اما.......لا)))

ثالثا وهي المعلومه الغير واااضحه لدي سمعت ان البنوك جميعها تطلب مبلغ وقدره من 50000 الى 100000 الف ريال ((( ولماذا يتم دفع هذا المبلغ وماهي الفائده من دفعه)))


ارجو الاجابه لان اخوكم يريد وقفتكم

-ال -500 ريال رسم لاتاحة التداول عبر اللانترنت

مبلغ 50 الف لفتح محفظة ويمكنك الشراء من هذا المبلغ، وغرضهم انك لديك مبلغ يمكنك البدء به، ويمكنك سحبه في اي وقت

اخوي الكريم
بشرح لك الموضوه بالتفصيل
المطلوب لتداول الاسهم
1- حساب جاري في سامبا
2- طلب محفظه استثماريه عن طريق الانترنت وبسوم 500 ريال سعودي سنويا
ايداع المبلغ في حسابك الجاري ومن ثم تحوله للاستثماري
وبعد ذالك ابداء في البيع والشراء وعتقد اقل مبلغ هو 50 الف ريال سعودي اي 5 الاف دينار كويتي
وشوري عليك 5000 ما اعتقد راح تكون مجديه لا تنسى رسوم سنويه 500 ريال بالاضافه الى نسبه 15 ريال لكل 10000 سواء بيع او شراء ما اعتقد ارباح 5000 تغطي كل هذا
على فكره الارباح مو هذا الشي الكبير ريال او ريالين في السهم في اغلب الاحوال يجب يكون معك راس مال كبير عشان يبين معك الريال والريالين
ما ودي اكسر مجاديفك بس حاب اني اوضح لك شي يمكن تكون تجهله
تحياتي لك وتمنياتي لك بالتوفيق واشوفك من كبار هوامير السوق