السوق نازل فرفشو مع هالمقال /مساهم مجهول

[مضارب]

مساهم قروي .........
قالوا العالم اسهم قلنا معهم

بعت السيارة ورحت لجدتي واخذت ذهبها ،،،، وامي قطت معي ،،، واختي عطني المهر حقها

رحت الصباح وانا مسوي حالي هامور اسهم

قال وش عندك ؟؟

قلت اسهم

طيب اي شركة تبي طال عمرك؟؟

انا سمعت طال عمرك قلت بس محترميني عشان فلوسي

قلت اي شئ زين المهم يكون اصلي

قال يخوي انت تستهبل

قلت لا والله عطني شئ زين

قال طيب شرايك بالكهرب ؟؟

قلت لا كل شوي ينقطع؟؟

طالعني قالت انت غشيم والا تستهبل

قلت يخوي مابي كهرب

قال اتصالات

قلت لا نصابين

قال وانت بتناسبهم اشتر وبيع

قلت لا لا

المهم شرينا في الاغنام يسمونها المواشي

وكل يوم رايح للسوق هاه وش اخبار الدبش

علفتوهن اليوم حطيتوا عندهن ماء حلبتوهن

مسوي راعي حلال

الى ان اغتثوا مني

طلع السهم كم ريال واغتريت شريت سيارة بالتقسيط وخططت للزواج وقمت ارش خواني بالفلوس

من بكره قالوا سهمك نزل تحت

لاحول ولا قوة الا بالله

رحت للمساجد وصرت اشحذ الى ان سددت جزء من ديوني وصل بي الحال اني ااسرق فسحة اخواني

اخيرا قالوا سهمك طلع مرة ثانية نبيع

قلت بيعوا بيعوا

توهم بيبيعون الا وينزل السهم تحت

قلت اقولكم سوقكم هذا سوق زئبقي ماله امان ولا له الا النصابين والمرابين

رجعولي فلوسي بس هونت

قالوا فلوس مين يابابا ما عندنا لك فلوس

قلت ابشتكي

قالوا تشتكي لمين ردد يا سهم ليه تطعني


قلت لهم عطوني انا اصرفهن ابيعهن في سوق الجمعة والا ابسط عند تقاطع الملك فهد مع الامير عبدالله عند حقين الجح والنعناع

قالوا ما عندنا لك شئ

طيب عطوني بدالهن كم طلي والا عنز

المهم مني ومنهم الى ان عطوني تيس وبعته لبريه وسمعت انه صار ينطح اخته جهير ليته كسر رقبتها

عشان كذا يا فالح لا تدخل شئ الا اونت عارف له ودارس عنه ومخطط له واعطي الخبز لباريها واعطي القوس لخبازها

((قصة واقعية مع بعض الفبركة والتصرف))

الى اللقاء
الموضوع منقول من منتدى
لاتشيلون هم السوق كل ضيقة وبعدها فرج
والسلام عليكم ورحمة الله وبركاته